[బాలబాలికల కోసం జంతువుల పొడుపు కథలు అందిస్తున్నారు డా. కందేపి రాణీప్రసాద్. ఇది 6వ భాగం.]
ప్రశ్నలు:
51.
ఒళ్ళంతా అందమైన కన్నులు
వానొస్తే పురివిప్పి నాట్యాలు
ఈకలు పిల్లల పుస్తకాల్లో
మన జాతీయ పక్షి ఇది
52.
ఎప్పుడూ నెమరు వేస్తూనే ఉంటుంది
తల్లిపాలలాగే మేలైన పాలిస్తుంది
పిల్లలకు పెద్దలకు మేలుచేస్తుంది
మహాలక్ష్మిగా పూజలందుకుంటుంది
53.
మృతకళేబరాలను తినే పక్షి
పర్యావరణాన్ని పరిరక్షించే పక్షి
అంతరించిపోయే దశలోనున్న పక్షి
నెత్తి మీద ఈకలు లేని పక్షి
54.
ఒళ్ళు మెత్తని మాంసం ముద్దలా ఉంటుంది
అందుకే బుల్లెట్ ఫ్రూఫ్ జాకెట్ వేసుకుంటుంది
చాలా నిదానమైన నడకకు చక్కనైన ఉదాహరణ
55.
వసంతకాలంలో కూస్తుంది
మామిడి పూత తిని మత్తుగా
కుహు కుహు రాగాలాలపిస్తుంది
రూపానికి కాదు గుణానికి ప్రతీక
56.
ఎనిమిది కాళ్ళతో గజిబిజి గూళ్ళలో
ఎప్పుడూ దారాలు నేస్తూ బిజీ
రెండు రోజులు తలుపులు మూశామో
ఇల్లంతా వలలు అల్లేస్తుంది
57.
పెద్ద పెద్ద మీసాలుంటాయి
కానీ మామయ్య గాదు
చెరువుల్లో ఉంటాయి
గానీ చేపలు గాదు
వీటిని పెంచుకున్నామో
ఇల్లంతా బంగారమే!
58.
నీళ్ళలో ఉంటే ఏనుగునైనా పట్టేస్తుంది
ఒడ్డున పడేస్తే విలవిలలాడుతుంది
నోటినిండా రంపంలా చీరేసే పళ్ళు
59.
స్వాతి చినుకుకై నోరు తెరిచి
ఎదురు చూసే సముద్ర జీవి
ముత్యమంటి బిడ్డను ప్రసవించి
కడుపులోనే దాచుకునే జీవి
60.
నల్ల గొంగళి కప్పుకుని
మెల్లమెల్లగా పాకుతుంది
గొంగళి ముసుగు తీసిందా
అందాల చిలకై ఎగురుతుంది
జవాబులు:
51. నెమలి 52. గోవు 53. రాబందు 54. నత్త 55. కోయిల 56. సాలీడు 57. రొయ్య 58. మొసలి 59. ఆల్చిప్ప 60. గొంగళి పురుగు
డా. కందేపి రాణీప్రసాద్ MA, MSc, PHD, బాల సాహితీ వేత్త, కవయిత్రి, అనువాదకులు, చిత్ర కళాకారిణి. తెలంగాణ రాష్ట్ర ప్రభుత్వ విశిష్ట మహిళా పురస్కారం అందుకున్నారు. తెలుగు విశ్వ విద్యాలయం వారి ఉత్తమ రచయిత్రి పురస్కారం అందుకున్నారు. రాణీ ప్రసాద్ ఆర్ట్ పేరుతో హాస్పిటల్ వేస్ట్‌తో 4000 బొమ్మలను సృష్టించారు. బాల సాహిత్యంలో 48 పుస్తకాలు రచించారు. ‘తెలుగు బాల సాహిత్యంలో సైన్స్ రచనలు’ అనే అంశంపై నాగార్జున విశ్వవిద్యాలయంలో పరిశోధన చేశారు. తెలుగు విశ్వ విద్యాలయంలో బాల సాహిత్య కీర్తి పురస్కారాన్ని నెలకొల్పారు. మిల్కీ మ్యూజియం, స్వీటీ చిల్డ్రన్ లైబ్రరీ లను తమ ఆసుపత్రిలో పిల్లల కోసం నిర్వహిస్తున్నారు. తమ సొంత ఆసుపత్రిలో ప్రిస్క్రిప్షన్ పాడ్ మీద పిల్లల కోసం తెలుగు పాట, బొమ్మ పెట్టి ప్రింట్ చేస్తున్నారు. సైన్సు, యాత్రా సాహిత్యం విరివిగా రాస్తున్నారు. కళాభారతి, కవిత వాణి, చిత్ర కళారాణి అనే ఎన్నో బిరుదులను, 6 వరల్డ్ రికార్డ్స్‌నూ సొంతం చేసుకున్నారు.
-మూర్తి, LIC.*