జ్ఞాపకాల పందిరి-58

“కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!” అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

అదిగదిగో.. త్రిపుర..!!

అనుకున్నవి కొన్నిసార్లు, అనుకున్నట్టు జరగవు. దీనికి సమయం కలిసి రావాలి. పరిస్థితులు అనుకూలించాలి. అన్నీ సమకూరినా, ఆఖరి క్షణంలో అనుకూలంగా లేక చేజారిపోయే విషయాలు ఎన్నెన్నో! చూద్దాం, చేద్దాం, అనుకునేవారి విషయంలో అసలు పనులు కావు. నాన్చుడు వ్యవహారాలూ, చివరికి పనులు కాకుండా పోతాయి.

ఇలాకాకుండా, కొన్ని పనులు, లేదా కార్యక్రమాలు, లేదా ప్రయాణాలు, ప్రయత్నాలు, అనుకోకుండానే, అప్పటికప్పుడు ఆలోచన, హైటెక్ స్పీడ్‌లో కార్యాచరణకు వస్తుంది. కొన్ని అంతే! అలా జరిగిపోతాయి. వాటి గురించి విశ్లేషించుకున్నప్పుడు భలే ఆశ్చర్యం అనిపిస్తుంది. అలా అని ఏదైనా పనిచేయడానికి ముందే అనుకోకూడదని చెప్పడం నా ఉద్దేశం కాదు! పకడ్బందీగా ప్లాన్ చేసుకుని, పట్టుదలతో, పని సాధించుకునేవాళ్ళు ఎంతమంది లేరు? చెప్పొచ్చేదేమిటంటే, ఒకసారి యెంత ప్లానింగ్ వున్నా చివరిక్షణంలో ఏదో విస్మరించలేని అడ్డు వచ్చి పడుతుంది. దానిని ఎవరూ ముందుగా ఆలోచించలేరు. ఇక్కడ జ్యోతిష్కాలు కూడా పనిచేయలేకపోవచ్చు. కానీ,కొన్ని సందర్భాలలో అనుకున్న తక్షణం చక.. చక.. పనులు, పూర్తి అయిపోవచ్చు.

జీవితంలో అందరికీ ఎప్పుడో ఒకప్పుడు ఇలాంటివి తారసపడక పోవు. అయితే కొందరు సంఘటనలు గుర్తుంచుకుంటారు, కొందరు మరచిపోతారు లేదా అసలు పట్టించుకోరు. నా జీవితంలోని ఒక మధుర సంఘటన ఇక్కడ ప్రస్తావిస్తాను. ఇది ఎప్పుడూ నెమరు వేసుకునేది,గుర్తు పెట్టుకునేదీనూ.

నేను బి.డి.ఎస్. చదివేనాటికి, కొంతమందిమి చాలా దగ్గర మిత్రులమైనాము. చదువు పూర్తి అయి తలో చోటా ఉద్యోగాల్లో చేరిపోయినా ఆ స్నేహం దూరం కాలేదు. మొబైల్ వాడుకలోకి వచ్చాక ఇది మరింత సులభం అయింది. దూర దేశాల్లోనూ, ఇతర రాష్ట్రాల్లోవున్న మిత్రులు కూడా, బాగా దగ్గరై ఎప్పటికప్పుడు విషయాలు గ్రూపుల్లో పాలుపంచుకోవడం ద్వారా తాజా విషయాలు కూడా ఎప్పటికప్పుడు మా చెంత చేరేవి.

అలా మేము ‘రీ-గ్రూప్-1975’ అనే వాట్స్‌ఆప్ గ్రూప్ ఒకటి ఏర్పాటు చేసుకున్నాము. గ్రూప్ అడ్మిన్‌గా, హైదరాబాద్ (చందానగర్)కు చెందిన మిత్రుడు డా. బి.ఎం.ఎస్. శంకరలాల్, అందరి మొబైల్ నంబర్లు సేకరించి సమూహంలో సభ్యులుగా చేర్చినాడు. వీలైనప్పుడల్లా చాట్ చేసుకునే అవకాశము, ఫోన్ కాల్, వీడియో కాల్, చేసుకునే అవకాశం ఏర్పడింది. సభ్యులు (క్లాస్‌మేట్స్) ఇతర రాష్ట్రాల వాళ్ళు, ఇతర దేశాల వాళ్ళు కూడా వున్నారు. అయితే ఉత్సాహంగా సమూహంలో పాల్గొనే వాళ్ళు కొద్దిమందే. అందరికి, మా క్లాస్‌మేట్ డా. జె. క్రాంతి అంటే మంచి గౌరవం, నమ్మకమును. ఎలాంటి కార్యక్రమం ఆమె రూపొందించినా, వీలును బట్టి అందరూ ఆమోదిస్తారు. అది ఆమె స్నేహతత్వం, గొప్పతనం. అంతమాత్రమే కాదు ఆమెకు కులం, మతం, ప్రాంతంతో పని లేదు. ప్రపంచ ప్రఖ్యాతి గాంచిన నాస్తికవాది, స్వర్గీయ గోపరాజు రామచంద్ర రావు (గోరా) గారి మనవరాలు, డా. సమరం గారి మేనకోడలు, స్వర్గీయ జొన్నలగడ్డ మైత్రిగారి అమ్మాయి. అందరితో కలసి మెలసి స్నేహానికి విలువ ఇచ్చే గొప్ప మనస్తత్వం గల మహిళ.

2011లో అనుకుంటాను, నా రిటైర్మెంట్‌కు కొద్ది నెలలముందు అనుకుంటా, ఒకరోజు డా. క్రాంతి ఫోన్ చేసి, “మనం త్రిపుర వెళుతున్నాం. ఎయిర్ టికెట్స్ నేను బుక్ చేస్తున్నాను, రెడీగా వుండండి” అని చెప్పింది.

నా మనస్తత్వం ఆమెకు బాగా తెలుసు, తప్పక ఆమె ప్రతిపాదనను ఒప్పుకుంటానని, ఆమె నమ్మకం. నేనూ మరో ఆలోచనకు ఆస్కారం లేకుండా, ‘సరే’ అన్నాను. త్రిపురలో ఇద్దరు ముఖ్యమైన సహాధ్యాయులు వున్నారు. వారు డా.పార్ధరాయ్ చౌదరి, డా. మౌజం ఆలీ. మరో మిత్రుడు, డా. ప్రనోబ్ అమెరికాలో స్థిరపడిపోయినాడు. అందుచేత వారిద్దరి ఆహ్వానం మీద త్రిపుర వెళ్ళడానికి సిద్ధపడ్డాం. అప్పుడు వీలుపడినవారు, రావడానికి సంసిద్దమయ్యాము. డా. క్రాంతి వాళ్ళ అబ్బాయితో పాటు, డా. శంకరలాల్ వాళ్ళమ్మాయి డా. శృతి, డా. జయంతి, డా. ఝాన్సీ (గుంటూరు) మొదలైన వాళ్ళం త్రిపుర ప్రయాణానికి సిద్ధపడ్డాం. నా నిర్ణయం నిజంగా నాకే ఆశ్చర్యాన్ని కలిగించింది. కారణం నేను కుటుంబానికి అతీతంగా ఎప్పుడూ ప్రయాణించలేదు. పైగా ఇంట్లో ప్రోత్సాహం కూడా లభించింది.

ఇంకొక ప్రత్యేకత ఏమిటంటే, ప్రయాణిస్తున్న మిత్రుల్లో, నాకొక్కడికే విమాన ప్రయాణం మొదటి అనుభవం. ఇంటర్ చదువుకునేటప్పుడు నాగార్జునసాగర్‌లో, ఆగి వున్న విమానం ఎక్కి చూసిన అనుభవం తప్ప ప్రయాణించిన అనుభవం లేదు. ఇలా నాచేత మొదట విమాన ప్రయాణం చేయించిన ఘనత మిత్రమణి, డా. క్రాంతికే దక్కుతుంది.

ప్రయాణం ముందురోజున, హన్మకొండ నుండి సఫీల్‌గూడ (సికింద్రాబాద్) వెళ్లి, మరునాడు చందానగర్‌లో ఉంటున్న డా. శంకర్ లాల్ దగ్గరకు వెళ్లాను. అప్పటికి డా. శంకర్ లాల్ శ్రీమతి డా. కుసుమ గారు బ్రతికే వున్నారు. ఆవిడ ఆత్మీయత -ఆతిధ్యం మరువరానివి.

అక్కడినుండి కారులో శంకర్ లాల్, శృతి, నేనూ బేగంపేట విమానాశ్రయానికి వెళ్లాం. అప్పటికే మిగతా మిత్రులు వచ్చివున్నారు.

నాకు ఒక పక్క విమానం భయం పొడుస్తూనే వుంది. అది బయటికి కనపడకుండా జాగ్రత్త పడ్డాను. ‘ఇండిగో జెట్’ విమానం మాకోసం రెడీగా వుంది. అక్కడికి వెళ్ళిన తరువాత, భయం పోయి సరదా అనిపించింది. లోపలికి వెళ్ళిన తర్వాత ఎవరి సీట్లలో వాళ్ళం కూర్చున్నాం.

డా. జయంతికి విండో పక్క సీట్ వచ్చింది. క్రాంతి అది చూసి “కె. ఎల్వీ. మొదటిసారి విమాన ప్రయాణం చేస్తున్నాడు కాబట్టి – విండో పక్క సీటు కె. ఎల్వీ కి ఇవ్వాలి” అని జయంతికి చెబితే ఆవిడ నాకా ఆ సీటు ఆఫర్ చేశారు. నేను ధన్యవాదాలు చెప్పి,ఆ సీట్లో కూర్చుని కాసేపు బయటి అందాలు చూడడం, కాసేపు మిత్రులతో మాట్లాడడంతో అసలు సమయమే తెలిసింది కాదు, ప్రయాణం చేసినట్టే అనిపించలేదు, సుమారు రెండుగంటల్లో త్రిపుర చేరుకున్నాం. అనుకున్నట్టు గానే డా. పార్ధరాయ్ చౌదరి విమానాశ్రయానికి వచ్చాడు.

అతని సంతోషం వర్ణించలేనిది. వాళ్ళ జన్మభూమికి మేము అంత త్వరగా వస్తామని ఊహించలేదు, పైగా ఇంతమందిమి! మాకోసం బుక్ చేసిన హోటల్‌కి వెళ్ళాము. ఎవరి రూములో వాళ్ళు సెటిలయ్యి, చౌదరి ఇంటికి వెళ్ళాము. అక్కడ ఆత్మీయతతో కూడిన ఆతిథ్యం లభించింది.

డా.చౌదరి గృహంలో, 66/4, Central road, Agartala, Tripura.

అక్కడ ఆ ప్రాంతం ఎక్కువ వెదురుబద్దల నిర్మాణాలు కనిపించాయి. చాలా సాధారణ జీవితమూ,మామూలు ఇళ్ళు కనిపించాయి. పెద్దగా అభివృద్ధి చెందిన ప్రదేశంగా అనిపించలేదు. ఎక్కువ కమ్యూనిస్టుల పాలనలో వున్న ఆ రాష్ట్రం అలా ఎందుకు ఉందో తెలియలేదు. బహుశా మేము బస చేసిన ప్రాంతం మాత్రమే అలా వుందేమో తెలియదు. మొబైల్ ప్రాచుర్యంలోకి వచ్చిన మొదటిరోజులు, గొప్పగా బయటికి కనిపించే విధంగా జేబులో పెట్టుకు తిరిగిన రోజులు. కానీ,త్రిపురలో వున్న నాలుగు రోజులూ, ఇంటికి ఫోన్ చేసే అవకాశం అంతగా కుదరలేదు.

M. B. B. College, Agartala. (Maharaja Bir Bikram College.)

Tapania Echo Park, Udaipur, Tripura. With Dr.Moujam Ali

Tepania Echo Park, Udaipur, Tripura. Tree house

మరో రోజు మౌజం అలీ తన ఇంటికి తీసుకువెళ్లాడు. డా అలీ నాన్నగారి ఉద్యోగ రీత్యా అతనికి బంగ్లాదేశ్‌లో కూడా పౌరసత్వం వుంది. నిత్యావసర వస్తువులు కొనుక్కోవడానికి అలీ అప్పుడప్పుడు అక్కడకు వెళ్తాడట! అక్కడ కొన్ని నిత్యావసర వస్తువులు చౌకగా లభించడమే దానికి కారణం అని చెప్పాడు. అక్కడ వున్న నాలుగు రోజులు చాలా ప్రదేశాలు చూపించారు. అందులో గుర్తుపెట్టుకోవలసింది, భారత్ – బంగ్లాదేశ్ సరిహద్దు.

ఈ రెండు దేశాలకు మధ్య ఒక ముళ్లకంచె తప్ప అటూ ఇటూ అంతా మామూలుగానే వుంది. నా విద్యార్థి దశలో అమృతసర్ లోని భారత్ -పాకిస్తాను సరిహద్దు చూసాను. అక్కడ నేను ఎంతో ఉద్వేగానికి గురిఅయ్యాను. బంధువులను విడదీస్తున్న భావన కలిగింది నాకు అక్కడ. నిర్ణీత సమయంలో సరిహద్దు గేటు తెరవడం, అటు ఇటు, బంధువులు, టూరిస్టులూ, సరిహద్దుకు దగ్గరగా వచ్చి మాట్లాడుకోవడం, సమయం కాగానే సైరన్ మోగడం, ఎటువైపు వారు ఆవైపు కన్నీళ్లతో వెనక్కి వెళ్లిపోవడం, ఆ దృశ్యం ఎంతటి వారికైనా కన్నీళ్లు తెప్పిస్తుంది. కానీ, త్రిపురలో అధికారిక గేటు చూడలేదు కనుక ఆ భావన కలుగలేదు. ఊహించని రీతిలో చాలా ఆనందంగా ఆందరం అక్కడ గడిపాము.

అప్పటికి నాకు సివిల్ సర్జన్ ప్రమోషన్ రావడం వల్ల నన్ను పార్టీ ఇమ్మని శంకరలాల్, జయంతి అడిగారు. దగ్గరలో వున్న మామూలు హోటల్‌లో పార్టీ ఇచ్చాను. మిత్రులతో కలసి అలా ఆనందంగా గడిపే అవకాశం సాధారణంగా రాదు. కానీ మిత్రురాలు ఏర్పాటుచేసిన ఈ కార్యక్రమం దానిని సుగమం చేసింది. ఆమెకు అందుకు ఎప్పుడూ అందరం కృతజ్ఞులం గానే వుంటాం. అలా కలసివచ్చే అదృష్టాలు ఎప్పుడోగానీ రావు. త్రిపుర పర్యటన ఎప్పటికీ మరువలేనిది.

తరువాత నా అమెరికా విమాన ప్రయాణానికి, త్రిపుర ప్రయాణం పునాది రాయిగా మిగిలింది. త్రిపుర ఆ రెండు కుటుంబ మిత్రుల ఆతిథ్యం ఎన్నటికీ మరువరానిది. ఈ విశేషాలు నెమరువేసుకుంటూ ఆనందంగా హైదరాబాద్‌కు తిరిగి వచ్చాము. గుర్తు చేసుకుంటే భలే అనిపిస్తుంది ఈ మధురాతి మధురమైన జ్ఞాపకం.

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

Tags: సంచిక డా. కె. ఎల్. వి. ప్రసాద్ఫీచర్కాలమ్జ్ఞాపకాల పందిరి Column Dr. K.L.V. Prasad Feature Gnapakala Pandiri Sanchika telugu magazine telugu online magazine telugu online magazines telugu sahityam telugu web magazine telugu-online-magazine telugu-webs-magazine

1

డా.కె.ఎల్.వి.ప్రసాద్
May 16, 2021 at 6:59 am
సంచిక సంపాదకవర్గానికి ఇతర సాంకేతిక నిపుణుల కు హృదయపూర్వక ధన్యవాదాలు

Reply
2

Sagar
May 16, 2021 at 7:30 am
నిజమేసర్ అనుకోకుండా జరిగే కొన్ని సంఘటనలు జీవితంలో మరచి పోలేని అనుభూతికి కారణమవుతాయి. కానీ పోటోలో మిమ్మల్ని చూస్తుంటే అది మీ మొదటి విమానప్రయాణం అనిపించడం లేదు సర్. గడచి పోయిన కాలాన్ని వెనక్కి తేలేకపోవచ్చు కానీ అనుభూతులను నెమరివేసేందుకు ఇలాంటి వేదికలు అందరికీ అవసరం. ఈ విషయంలో మీకు అభినందనలు మరియు ధన్యవాదములు సర్

Reply
1. 2.1
  
  డా కె.ఎల్.వి.ప్రసాద్
  May 16, 2021 at 8:09 am
  సాగర్
  నీ స్పందన కు
  ధన్యవాదాలు.
  
  Reply
3

డా కె.ఎల్.వి.ప్రసాద్
May 16, 2021 at 7:33 am
Gd Mng doctor garu,
Chaala andaalu volikinche sundara pradesam. Neenu ippatiki north east states ki vella ledu. Meeru describe chestunte nenu kooda akkada vundi choostunnattu ga anipinchindi.

—-suryanarayana rao
Ex-DGM-SBI
HYDERABAD.

Reply
1. 3.1
  
  డా కె.ఎల్.వి.ప్రసాద్
  May 16, 2021 at 7:34 am
  Thank you
  For your response sir.
  
  Reply
4

డా కె.ఎల్.వి.ప్రసాద్
May 16, 2021 at 8:07 am
Chadivanu. Chakkaga raasharu. Madhramaina gnapakalanu gurtu chesharu. Jeevitam lo yeppatikiena migilipoyevi ilanti madhuranubhutule.thank you for sharing klv garu

——-Dr.Indla Ramasubba Reddy.
Vijayawada.

Reply
1. 4.1
  
  డా కె.ఎల్.వి.ప్రసాద్
  May 16, 2021 at 8:08 am
  Thank you
  So much sir.
  
  Reply
5

రాపాక అశోక్ కుమార్
May 16, 2021 at 8:26 am
మామయ్య మీరు నిజంగా చాలా చాలా అదృష్టవంతులు. ఎందుకంటే ఆత్మీయ మిత్రులు, మిమ్మల్ని ఎంతో ప్రేమించే కుటుంబం. ఇవే కదా మనకు కావలసినవి. ఆ అదృష్టం అందరికీ రాదు.

Reply
1. 5.1
  
  డా కె.ఎల్.వి.ప్రసాద్
  May 16, 2021 at 8:52 am
  నిజమే అశోక్
  నీ స్పందన కు ధన్యవాదాలు.
  
  Reply
6

Dr.Harika
May 16, 2021 at 9:06 am
Good morning sir,
While we have a lot of people in our lives, there is nothing quite as unique as the relationship we have with our best friends.
Happy to see that you had an opportunity to explore such things sir.
Such memories are cherished forever.

Reply
1. 6.1
  
  డా కె.ఎల్.వి.ప్రసాద్
  May 16, 2021 at 9:16 am
  Dr.Harika
  Thank you somuch.
  
  Reply
7

Jhansi koppisetty
May 16, 2021 at 9:34 am
Sweet memories to cherish forever👌👌
You are lucky to have such good friends😃😃

Reply
1. 7.1
  
  డా కె.ఎల్.వి.ప్రసాద్
  May 16, 2021 at 9:54 am
  Thank you.
  
  Reply
8

డా కె.ఎల్.వి.ప్రసాద్
May 16, 2021 at 9:44 am
Old memories with friends are always …,👍👍👍👍👍

—-koteswararao
Secunderabad.

Reply
1. 8.1
  
  డా కె.ఎల్.వి.ప్రసాద్
  May 16, 2021 at 9:55 am
  Thank you
  Mr.Rao.
  
  Reply
9

డా కె.ఎల్.వి.ప్రసాద్
May 16, 2021 at 10:30 am
సార్ మీరు 2019 సంబరాల లో త్వరగా వెళ్ళిపోయారు మీ బ్యాచ్ 1975 వాళ్ళు ఎంతో ఆనందం గా పాటలు పాడుతూ గడిపారు. ఒక అమెరికా వ్యక్తి( అసదుల్లా ఖాన్ ) వారు ఎలాగ హిందీ పాటలు పాడుతూ ఉన్నారు. డా. పాలేశ్వరన్( వారి ని గుర్తుంచు) వారు కూడా ఇంగ్లీష్ పాటలు మేస్ రూం లో పాడారు.
ఈ సంద్భంగా గా మీకు ఒక విషయం చెప్పాలి . 2013 నేను సిమ్లా వెళ్లి అక్కడ డా. భూషణ కుమార్ లాఖంపల్ (1976) గారి కలిశాను. అలాగే పంచకుల లో డా. సురేష్ వర్మ(1977) , లఖంపల్ సార్ చేపగా కలిశాను. 2016-17 లో డా.వర్మ గారు గుండె పోతుబ్లో కన్ను మూసారు.

Reply
1. 9.1
  
  డా కె.ఎల్.వి.ప్రసాద్
  May 16, 2021 at 10:31 am
  ధన్యవాదాలండీ
  
  Reply
10

డా కె.ఎల్.వి.ప్రసాద్
May 16, 2021 at 11:07 am
Meeting friends with family after few decades is entirely different experience can only experience, it can not be explained. I missed the tour and still I feel bad about it.

—–Dr.M.Manjula
Hyderabad.

Reply
1. 10.1
  
  డా కె.ఎల్.వి.ప్రసాద్
  May 16, 2021 at 11:07 am
  Thank you zDr.
  
  Reply
11

Bhujanga rao
May 16, 2021 at 11:19 am
చదువు పూర్తి అయిన తరువాత తలో చోట ఉద్యోగంలో చేరి పోయిన మీ స్నేహం దూరం కాలేదు.1975 రి గ్రూప్ ఏర్పాటు చేసుకుని,ఇప్పటికి కూడా కలుసుకునే అవకాశం కల్పించుకొని, ఇలా మరిచిపోలేని గత స్మృతులు గుర్తు చేసుకుంటూ, కొన్ని త్రిపుర అందాలను,జ్ఞాపకాల పందిరి 58 మాతో పంచుకున్నందుకు,ధన్యవాదములు సర్.మీ ఆత్మీయ మిత్రుల మీ స్నేహము చాలా విలువైనది.నిజంగా మీరు చాలా అదృష్టవంతుల్లో ఒకరు.మీ గొప్ప మనస్సుకు హృదయపూర్వక నమస్కారములు.

Reply
1. 11.1
  
  డా కె.ఎల్.వి.ప్రసాద్
  May 16, 2021 at 11:38 am
  ధన్యవాదాలు
  భుజంగరావు గారు.
  
  Reply
12

డా కె.ఎల్.వి.ప్రసాద్
May 16, 2021 at 11:48 am
మీ జ్ఞాపకాల పందిరిలో మీ అనుభూతి మేము పంచుకున్నాను ధన్యవాదాలు

—–విజయ లక్ష్మి
హైదరాబాద్.

Reply
1. 12.1
  
  డా కె.ఎల్.వి.ప్రసాద్
  May 16, 2021 at 11:48 am
  ధన్యవాదాలండీ
  
  Reply
13

Ch SN Murthy
May 16, 2021 at 12:56 pm
పాత మిత్రులను కలియడమే ఎంతో ఆనందాన్ని కలిగించే విషయం. అందులో అందరు ఒక చోట అదీ మారుమూల ప్రాంతం అయినా త్రిపుర లాంటి ఈసాన్య రాష్ట్రంలో కలసికోవడం సంతోషాన్ని ద్విగునీకృతం చేస్తుంది. మొదటిసారి విమానప్రయాణం మరింత ఉత్ఖంటను కలిగిస్తుంది. ప్రకృతి రమణీయమైన ప్రాంతాలను సన్నిహితులతో సందర్శించడం మరచిపోలేనిది. ఇంత మంచి సూచన చేసిన డాక్టర్ క్రాంతి గారికి, ఆమె ఆలోచనకి అంగీకారం తెలిపి, కార్యక్రమ విజయానికి సహకరించిన మిగిలిన మిత్ర బృందానికి ధన్యవాదములు.

Reply
1. 13.1
  
  డా కె.ఎల్.వి.ప్రసాద్
  May 16, 2021 at 2:27 pm
  మూర్తి గారు
  మీ స్పందన కి ధన్యవాదములు.
  
  Reply
14

Rajendra Prasad
May 16, 2021 at 1:44 pm
టూరిస్ట్ గా వెళ్ళటం వేరు. మిత్రులతో కలసి అక్కడి ప్రాంత మిత్రులతో గడపటం అనేది మజా నిస్తుంది. You have very good friends and you continue the relationship. Great Sir.

Rajendra Prasad

Reply
1. 14.1
  
  డా కె.ఎల్.వి.ప్రసాద్
  May 16, 2021 at 2:28 pm
  Prasad garu
  Thank you somuch sir.
  
  Reply
15

డా కె.ఎల్.వి.ప్రసాద్
May 16, 2021 at 2:13 pm
Good Memories will make us younger, healthier and longing to live longer and cherish every moment that we spent in the company of loving friends.
Long live your friendship.

——Sri Mohan Rao
Hanamkonda

Reply
1. 15.1
  
  డా కె.ఎల్.వి.ప్రసాద్
  May 16, 2021 at 2:30 pm
  Mohan rao garu
  Thank you somuch.
  
  Reply
16

Shyam
May 16, 2021 at 2:57 pm
మీ జీవితంలో మంచి స్నేహితులు దొరకడం మీ అదృష్టం. అలాంటి స్నేహాన్ని సంపాదించడం కూడా మీ గొప్పతనం .చాలా వరకు జీవితంలో కొన్ని మంచి పనులు స్నేహితులు ద్వారానే జరుగుతాయి కాకపోతే మంచి స్నేహితులు దొరకడం అది కూడా చాలా మంచి విషయం. చాలావరకు చెడిపోయిన వాడు కూడా స్నేహితుల ద్వారా చెడిపోతాడు. చిన్నప్పుడు స్కూల్లో మరియు కాలేజీలో స్నేహితులందరూ యాదృచ్ఛికంగా అయిపోతుంటారు కానీ వృత్తి ఉద్యోగాల్లో మనము మనకు సరైన స్నేహితులని ఎన్నుకుంటాం, ఆ విధంగా మీరు మంచి స్నేహితులను ఎన్నిక చేసుకున్నారు. మీకు ఉన్న విలువలను బట్టి మీరు వాళ్ళ మనసులో మంచి స్థానాన్ని సంపాదించుకున్నారు. ఏదిఏమైనా నాకర్థమైంది ఏమిటంటే మీ మంచితనం ఇతరులకు సాయం చేసే గుణం, సత్ప్రవర్తన మంచి మనసు ఇవన్నీ మీ దగ్గర ఉండబట్టే నీకు మంచి స్నేహితులు జీవితంలో దొరికారు ,వారి నుంచి మీకు మంచి సంఘటనలు జీవితంలో ఎదురయ్యాయి. మొత్తానికి మీరు అదృష్టవంతులు.

Reply
1. 16.1
  
  డా కె.ఎల్.వి.ప్రసాద్
  May 16, 2021 at 3:11 pm
  నీ స్పందన కు ధన్యవాదాలు
  శ్యామ్.
  
  Reply
17

Sambasivarao Thota
May 16, 2021 at 5:10 pm
Prasad Garu!
Thripuranu choodagaligaanu..
Dhanyavaadaalandi 🙏

Reply
18

D. Umashanker
May 16, 2021 at 6:45 pm
చాలా బాగుంది డాక్టరుగారు. జీవితంలో మనం ఎన్నో మధురమైన అనుభవాలను పొందుతాము. అవి ఎదురు చూడనివి అయితే ఇంకా మధురంగా ఉంటాయి. మహబూబాబాద్ లో జరిగిన మన పరిచయం ఇంకా కొనసాగుతూ ఉన్నందుకు చాలా సంతోషంగా ఉంది. మీకు నా హృదయపూర్వక అభినందనలు

Reply
1. 18.1
  
  డా కె.ఎల్.వి.ప్రసాద్
  May 16, 2021 at 10:03 pm
  ఉమాశంకర్ గారూ
  మీ స్పందన కు ధన్యవాదాలండీ.
  
  Reply
19

డా కె.ఎల్.వి.ప్రసాద్
May 16, 2021 at 7:02 pm
మానవ జీవితం పొడుగునా కొన్ని జ్ఞాపకాలు మనతోపాటే నడిచొస్తుంటాయి .. నిజంగానే అవి తీపిజ్ఞాపకాలే … మీ త్రిపురయానం అటువంటిదే … దానికి ప్రధాన కారణం మీ అందరి మైత్రీబంధమే ..
దాశరథిగారు తమ గాలిబ్ గీతాలు అక్కినేని గారికి అంకితమిస్తూ ….
“ మైత్రి యనెడి దివ్యసూత్రమ్ము
బంధించె నిన్నునన్ను మిన్ను మన్నువోలె …” అన్నారు …
స్నేహ పరిమళపు గుబాళింపుకు ఏ సరిహద్దులూ అడ్డురావు అని మీ మిత్రబృందమంతా నిరూపించారు .. ముఖ్యంగా డా.క్రాంతి గారు …
చొరవతీసుకొని అందరినీ కలపగపగలగడమనే “టాలెంట్” అందరికీ ఉండదు … అది మానవ సంబంధాల పటిష్ఠత లో ప్రధానమైన అంశం … అదే మీ మిత్రబృందానికి ఇన్ని ఆనందాల్ని పంచింది …
మరో విశేషం , మీ మొదటి విమానయానం అందరి ఆనందాల తో బాటు మీరు పొందిన అదనపు ఆనందం , అదిమాత్రం అసలు మరపురాదు …
మైత్రీమధురిమను పంచిన జ్ఞాపకం చాలా ఆనందాన్నిచ్చింది … అభినందనలు సర్ !!!!

—-గన్నమరాజు గిరిజా మనోహర్ బాబు
హనంకొండ.

Reply
1. 19.1
  
  డా కె.ఎల్.వి.ప్రసాద్
  May 16, 2021 at 7:05 pm
  సర్,
  మీ విశ్లేషణాత్మక
  వివరణకు
  ధన్యవాదాలండీ.
  
  Reply
20

డా కె.ఎల్.వి.ప్రసాద్
May 17, 2021 at 6:48 am
మీ త్రిపుర ప్రయాణం విశేషాలు, మీ మొదటిసారి విమాన ప్రయాణం చాలా చక్కగా వివరించారు జ్ఞాపకాల పందిరిలో. ఇప్పటికీ చాలా ఈశాన్య రాష్ట్రాలు ఎక్కువ అభివృద్ధికి నోచుకోలేదు. అభినందనలు.

——జి.శ్రీనివాసా చారి
కాజీపేట.

Reply
1. 20.1
  
  డా కె.ఎల్.వి.ప్రసాద్
  May 17, 2021 at 8:52 am
  ధన్యోస్మి
  చారి గారూ…
  
  Reply
21

డా కె.ఎల్.వి.ప్రసాద్
May 17, 2021 at 8:54 am
మీ 58వ సంచిక చదివినాను సర్!
ఒకసినీవకవి అన్నట్టు అనుకున్నామని జరగవు అన్నీ అనుకో లేదని ఆగవు కొన్నీ అన్న మాట యదార్థం. గతకాలంలొని కుటుంబాల ఆర్థిక పరిస్థితులదృష్ట్యా కొన్ని కొన్ని విషయాలు ఆశ్చర్యంగా అని పిస్తవి .మీ విమాన యానం గురించి.నేను నా డిగ్రీ ఐపొయేవరకు రైలుప్రయాణం చేయలేదు..అవసరం రాక పొవటం ఒకటైతే. అవకాశంఆర్థిక పరిస్థితులూ మరొ కారణం .ఏది ఏమైనా మీజ్ఞాపకాల పందిరినిజాగ్రత్తగా అల్లుతున్నారు డాక్టరుగారూ! అభినందనలు

——నాగిళ్ళ రామశాస్త్రి
హనంకొండ.

Reply
1. 21.1
  
  డా కె.ఎల్.వి.ప్రసాద్
  May 17, 2021 at 8:55 am
  శాస్త్రి గారు ధన్యవాదాలండీ.
  
  Reply
22

డా కె.ఎల్.వి.ప్రసాద్
May 17, 2021 at 2:07 pm
Namasthe sir.🙏

Meeru rasina vyasaniki meeku Munduga manasara abhinandanalu.

Mee snehithula tho tripura yathra theeyani jnapakanni vyasam ga nakkuda panchinanduku santhoshamga undi.

chuddaniki nake intha madhuram ga anipinchindi
Meeru andaru yentha anandanni nimpukuni untaro
Uhisthuntene goppaga undi.

snehithulu chesina e yerpatu
Ila andariki adrustam .avakasam dorakadu.

Andariki maroka sari abhinandanalu sir.

—-శ్రీమతి సుజనాపంత్
భీమారం,హనంకొండ.

Reply
1. 22.1
  
  డా కె.ఎల్.వి.ప్రసాద్
  May 17, 2021 at 2:19 pm
  మేడం
  మీ స్పందన కు ధన్యవాదాలండీ.
  
  Reply
23

డా కె.ఎల్.వి.ప్రసాద్
May 17, 2021 at 2:18 pm
తోటి మిత్రులతో కలిసి ప్రకృతి అందాలను తిలకిస్తూ,పూర్తిగా భిన్నమైన వాతావరణంలో నాలుగు రోజులపాటు గడిపిన మధురానుభూతిని బహు చక్క గా వివరిస్తూ మాతో పంచుకున్నందుకు ధన్యవాదాలు.
మీరన్నట్లు కొన్ని సంకల్పాలు మనము ముందుగా ప్రణాళిక బద్దంగా అమర్చుకున్నప్పటికీ అనుకోని కారణాల వల్ల అవి కార్యరూపం దాల్చిన సందర్భాలు అరుదు .అలాగే దీనికి పూర్తి విరుద్ధంగా అప్పటికప్పుడు అనుకోకుండానే కొన్ని కలిసి వస్తుంటాయి.
మీ మొదటి విమాన ప్రయాణం, అనుకోకుండా మిత్రులతో కలిసి ఒక ముఖ్యమైన ప్రదేశాన్ని సందర్శించడం, అలాగే అమెరికా ప్రయాణానికి ఇది నాంది కావటం ఈ మూడు సంఘటనలు కూడా ఏదో ఒక “coincident”లాగా నాకూ కలిసి వచ్చాయి.
నాకు ఎప్పటి నుండో శబరిమలై యాత్రకు వెళ్లి రావాలనే కోరిక ఉండేది .కారణం ఏమిటంటే ప్రతి సంవత్సరము నాలుగు నెలల పాటు ఈ మాల ధరించిన ఎందరో స్వాములు తెల్లవారుజామునే మా దగ్గరకి రిజర్వేషన్స్ కి రావటం,దాదాపు నాలుగైదు గంటలు వాళ్ళని చూస్తూ గడపటం, తెలిసినవారి ద్వారా ఆ విహారయాత్ర విశేషాలను వినటం మొదలగు కారణాల వల్ల కావచ్చు. కానీ ఉద్యోగరీత్యా ఆ దీక్షలో ఉండటం, అన్ని రోజులు సెలవుదొరకటం ఇబ్బంది కనుక అది అలాగే ఉండిపోయింది.
కానీ అనుకోకుండా 2011 వ సంవత్సరంలో నాకు ఒక సదవకాశం దొరికింది. హైదరాబాదులో ఉండే నా సహోదరుడు మూడవసారి తన మిత్రులతో కలసి శబరిమలై వెళుతూ, ఒక్క రోజు ముందుగా నాకు ఫోన్ చేసి తనతో పాటు ప్రయాణించ వలసిన ఒక స్వామీజీకి అనుకోకుండా అవాంతరం ఏర్పడి ఆయన స్థానంలో నన్ను రమ్మనడం ,అది కూడా అ మరుసటి రోజు ఉదయం పది గంటలకి శంషాబాద్ నుండి జెట్ ఎయిర్ వేస్ లో త్రివేండ్రం విమాన ప్రయాణం .ఆ ప్రయాణం లిస్టులో నా పేరు తోటమల్లేష్ .వీళ్ళు పోలీస్ డిపార్ట్మెంట్ వారు కాబట్టి ఆ పేరు మీద నాకు ఒక ఐడి కార్డు తయారు చేశారు .మొట్టమొదటి విమాన ప్రయాణం మీ లాగే నాకు విండో సీట్ కేటాయించారు .చెన్నై మీదుగా త్రివేండ్రం చేరుకొని 12 మంది స్వాములతో పాటు అక్కడ ఒక తెలిసిన వారి విడిది ఇంటిలో బస చేసి, త్రివేంద్రం లో చూడవలసిన ప్రదేశాలను చూసి, మరుసటి రోజు ఆరుగంటల రోడ్డు ప్రయాణము, తర్వాత వారితో పాటు దట్టమైన అడవి మార్గం ద్వారా ప్రకృతి అందాలను చూస్తూ నడక ప్రయాణం,ఒక రెండు గంటలసేపు స్వామి సన్నిధిలో గడిపి వెంటనే తిరిగి నడక ప్రయాణం కొనసాగించి పంబా ప్రాంతము నుండి వ్యానులో త్రివేండ్రం చేరుకున్నాం. ఆ రోజు రాత్రి అక్కడే బస చేసి తిరిగి స్పైస్ జెట్ లో హైదరాబాదుకు చేరుకున్నాము. ఆ విమాన ప్రయాణం తర్వాత తిరిగి 2018లో అమెరికాకి సుదీర్ఘ ప్రయాణం చేసే అవకాశం దొరికింది. మన ఆలోచనా విధానం సానుకూలంగా ఉంటే కలిసి రాకపోవడం అనేది ఏదీ ఉండదేమో….
—–బి.ఎన్. కృష్ణా రెడ్డి.
సఫిల్ గూడ
సికింద్రాబాద్.

Reply
1. 23.1
  
  డా కె.ఎల్.వి.ప్రసాద్
  May 17, 2021 at 2:20 pm
  రెడ్డి గారూ
  మీ స్పందన కు ధన్యవాదాలండీ.
  
  Reply
24

Sarasi
May 18, 2021 at 9:11 am
మరువరాని మధుర అనుభవం. బంగ్లా సరిహద్దు కేవలం ఒక ముళ్లకంచె అంటే ఆశ్చర్యంగా వుంది.

Reply
1. 24.1
  
  డా కె.ఎల్.వి.ప్రసాద్
  May 18, 2021 at 1:11 pm
  ధన్యోస్మి
  సరసి గారు.
  
  Reply
25

డా కె.ఎల్.వి.ప్రసాద్
May 18, 2021 at 1:09 pm
Baagundi sir, mee Tripura prayanam.
Meeru ivi anni rayataniki chala vopika undi sir.
Great

–కె.జె.శ్రీనివాస్
హైదరాబాద్.

Reply
1. 25.1
  
  డా కె.ఎల్.వి.ప్రసాద్
  May 18, 2021 at 1:10 pm
  ధన్యవాదాలండీ.
  
  Reply
26

మొహమ్మద్. అఫ్సర వలీషా
May 19, 2021 at 6:38 am
కొన్ని అనుభవాలు అనుభూతులు జీవితంలో మరపురాని మధురమైన ఘటనలుగా గుండె గదుల్లో నిక్షిప్తం చేసుకుని అప్పుడప్పుడు ఆహ్లాదంగా నెమరువేయడం వాటికి చక్కని అక్కడి అందమైన చిత్రాలతో మమ్మల్ని మీతో మమేకం చేసుకుని ప్రతి సంఘటన మాకు సజీవంగా మార్గదర్శకత్వం గా చూపడం చెప్పడం అద్భుతంగా ఉంది సార్ మీ మంచి మిత్రుల కలయిక అభినందనీయం మీ మొదటి విమాన ప్రయాణం మాతో పాలు పంచుకున్నందుకు చాలా సంతోషం గా ఉంది సార్ మీ ప్రతి ఙ్ఞాపకం మాకు ఒక చక్కని అనుభూతి. త్రిపుర అందాలు తిరిగి తిరిగి మాకు చక్కని ఫోటో లతో మిత్రులతో చూపించారు హృదయపూర్వక ధన్యవాదాలు చక్కని మీ రచనకు హృదయపూర్వక శుభాకాంక్షలు శుభాభినందనలు మీకు మీ మరో జ్ఞాపకం కోసం ఎదురు చూస్తూ శెలవు సార్ 💐🙏🙏💐🙏💐🙏💐🙏💐🙏💐🙏💐🙏💐🙏💐

Reply
27

డా కె.ఎల్.వి.ప్రసాద్
May 19, 2021 at 7:07 am
కొన్ని అనుభవాలు అనుభూతులు జీవితంలో మరపురాని మధురమైన ఘటనలుగా గుండె గదుల్లో నిక్షిప్తం చేసుకుని అప్పుడప్పుడు ఆహ్లాదంగా నెమరువేయడం వాటికి చక్కని అక్కడి అందమైన చిత్రాలతో మమ్మల్ని మీతో మమేకం చేసుకుని ప్రతి సంఘటన మాకు సజీవంగా మార్గదర్శకత్వం గా చూపడం చెప్పడం అద్భుతంగా ఉంది సార్ మీ మంచి మిత్రుల కలయిక అభినందనీయం మీ మొదటి విమాన ప్రయాణం మాతో పాలు పంచుకున్నందుకు చాలా సంతోషం గా ఉంది సార్ మీ ప్రతి ఙ్ఞాపకం మాకు ఒక చక్కని అనుభూతి. త్రిపుర అందాలు తిరిగి తిరిగి మాకు చక్కని ఫోటో లతో మిత్రులతో చూపించారు హృదయపూర్వక ధన్యవాదాలు చక్కని మీ రచనకు హృదయపూర్వక శుభాకాంక్షలు శుభాభినందనలు మీకు మీ మరో జ్ఞాపకం కోసం ఎదురు చూస్తూ శెలవు సార్ 💐🙏🙏💐🙏💐🙏💐🙏💐🙏💐🙏💐🙏💐🙏💐

——అఫ్సర వలీషా
ద్వారపూడి
తూర్పుగోదావరి.

Reply
1. 27.1
  
  డా కె.ఎల్.వి.ప్రసాద్
  May 19, 2021 at 7:08 am
  అమ్మా,
  నీ చక్కని స్పందనకు ధన్యవాదాలు.
  
  Reply