జ్ఞాపకాల పందిరి-63

“కొన్ని అనుభవాలు, కొందరి జీవితాలకు జ్ఞాన మార్గాలు కావచ్చు. జీవనశైలిని సరిదిద్దుకునే వినూత్న పోకడలు కావచ్చు. అందుకే, అందరి అనుభవాల జ్ఞాపకాలూ, అందరికి అవసరమే…!!” అంటూ తమ జ్ఞాపకాల పందిరి క్రింద విహరింపజేస్తున్నారు డా. కె. ఎల్. వి. ప్రసాద్.

వయసుతో పనియేమి..!

కొన్ని సంఘటనలు చాలా విచిత్రంగా ఉంటాయి. ఊహించని సంఘటనలు మన చేత, మనమే కాదు, ఎవరూ ఊహించని పనులు చేయిస్తుంటాయి. అలా జరగడం మనకే ఆశ్చర్యం అనిపిస్తుంది. అలా మనం అనుకోని పని యాదృచ్ఛికంగా జరిగి పోయి అందరి మన్ననలు పొందినప్పుడు కలిగే ఆనందం, పొందే తృప్తి అంతా ఇంతా కాదు! ఇలాంటివి జీవితంలో చాలా మందికి అనుభవమే! అలాంటి సంఘటనలు మనం బ్రతికినంత కాలం మనకు గుర్తుకు వచ్చి ఎంతో మానసిక ఆనందాన్ని కలుగజేస్తాయి. జరిగిన సంఘటన కుటుంబానికి సంబందించినదైనా, బంధువులకు సంబంధించినదైనా, సాహిత్యానికి సంబందించినదైనా, ఏ ఇతర కళలకు సంబంధించినది అయినా, ఎప్పటికీ గుర్తుండి పోతుంది.

పద్య కవి శ్రీ కుసుమ వెంకట రత్నం గారు, హనంకొండ.

కవిత్వం రాయడం అంత ఆషామాషీ విషయం కాదు. అందరికీ అబ్బేది కాదు. కొందరికి పుట్టుకతోనే ఈ కళ అబ్బుతుంది. కొందరికి పరిసరాలూ, ఇంట్లో వాతావరణం కవిత్వం వైపు మక్కువ కలిగేలా చేస్తాయి. కొందరు సమయ పాలనతో కష్టపడి సాహిత్యాన్ని చదివి అందులోని మెళుకువలు తెలుసుకుని, కవిత్వం పట్ల ఆకర్షితులవుతుంటారు. అతికొద్ది మంది, తాము చిన్నప్పుడు చదువుకున్న సాహిత్యమూ వ్యాకరణము గుర్తుకు తెచ్చుకుని, శ్రమించి పదవీ విరమణానంతరం కవిత్వ సాధన చేస్తారు. అది పద్యం కావచ్చు, వచన కవిత కావచ్చు, మరింకేదైనా సాహిత్య-ప్రక్రియ కావచ్చు. తమ ఇష్టాన్ని బట్టి, తమ వయసుతో సంబంధం లేకుండా, సాహిత్యం వైపు మనసు మళ్లిస్తారు. ఇది ఒక్కటే వీరికి సరిపోదు. ఇంటి ఇలాలు సహాకారం, పిల్లల ప్రోత్సాహం, బంధువుల, స్నేహితుల ప్రశంశలు లేదా విమర్శలు అవసరం అవుతాయి. ఇలా సాహిత్యం/కవిత్వంపై ఆకర్షితులయ్యేవారి సంఖ్య బహు తక్కువ. అయితే ఇలాంటి వారి గురించే ఎక్కువ తెలుసుకోవలసిన అవసరం వుంది. రిటైర్ అయిపోయాము.. అనే విషయాన్ని,బాధను మనసు లోనికి రానీయకుండా ఇలాంటి వ్యాపకం పెట్టుకోవడం వల్ల నిత్యం ఉత్సాహంగా ఉల్లాసంగా, ఆరోగ్యంగా వుండే అవకాశం వుంది. అందు చేత రిటైర్ అయి ఒక కవిగా మారిన ప్రముఖ వ్యక్తిని మీకు ఇక్కడ పరిచయం చేస్తాను.

శ్రీమతి & శ్రీ వెంకట రత్నం. కుసుమ

ఆయన అతి సౌమ్యుడు. అప్పటి ఆంధ్రప్రదేశ్ రాష్ట్రంలోని ‘ఎలక్టిసిటీ బోర్డు’లో చీఫ్ అకౌంట్స్ ఆఫీసరుగా పదవీవిరమణ చేశారు. ఆయన ప్రస్తుతం స్థిరపడింది వరంగల్ లోని హన్మకొండ (వినాయక్ నగర్) అయినప్పటికీ, పుట్టి పెరిగింది, మాత్రం తూర్పుగోదావరి జిల్లాలోని,శృంగవరప్పాడు అనే గ్రామం. ప్రాథమిక విద్య స్వంత ఊరిలోనే జరిగినా, హైస్కూల్ విద్య రాజోలు లోని బోర్డు హైస్కూల్ లోనూ డిగ్రీ, పశ్చిమ గోదావరి జిల్లా, భీమవరం లోని ‘వెస్ట్ గోదావరి, భీమవరం కాలేజీ’ (WGB College) లోనూ చదివారు. ఇప్పుడు ఈ కళాశాల ‘డి.ఎన్.ఆర్’ కళాశాలగా రూపాంతరం చెందింది. ఈ కళాశాలలో మా అన్నయ్య కె.కె. మీనన్ వీరు కలిసి చదువుకున్నారు. మా అన్నయ్యను అతి చనువుగా ‘ఏరా..’ అని పిలిచే అతి కొద్దిమందిలో వీరు ముఖ్యులు. అంతకు మించి మా అమ్మమ్మ ద్వారా వీరు మాకు సమీప బంధువు, నాకు చిన్నాన్న వరుస. గృహసంబంధమైన అన్ని పనులూ వీరి శ్రీమతి సుశీలమ్మ గారు చక్కబెడితే, మన కవిగారు పూర్తి సమయాన్ని ఉద్యోగానికి అంకితం చేసి అధికారుల -ప్రజల మన్ననలు పొందడమే గాక, క్లర్క్ స్థాయి నుండి చీఫ్ అకౌంట్స్ ఆఫీసరుగా ఎదిగిన మహానుహావులు. వీరు పదవీ విరమణ చేసేవరకూ ఆయన సాహిత్య ప్రియుడనీ, ఎప్పుడో ఎస్.ఎస్.ఎల్.సి లో చదువుకున్న ఛందస్సు గుర్తు చేసుకుని పద్యాలు రాస్తారనీ నాతో సహా ఎవరికీ తెలియదు.

కవి గారి మొదటి పద్యకావ్యం కోనసీమ సొంపులు

నేను మహబూబాబాద్‌లో పని చేస్తున్నప్పుడు,వారు ఆడిట్ కోసం వచ్చి,నన్ను వెతుక్కుంటూ నా దగ్గరికి వచ్చిచెప్పే వరకూ ఆయన వరంగల్‌లో ఉంటున్నట్టు గానీ, మా బంధుత్వం గురించి గానీ నాకు అసలు తెలియదు. ఆయనకు నాకూ వయసులో చాలా తేడా ఉన్నప్పటికీ నన్ను ఆయన ‘సార్’ అని పిలుస్తుంటే నాకు కించిత్ సిగ్గు అనిపిస్తుంది. ప్రస్తుతం ఈ ప్రాంతంలో మాకు పెద్ద దిక్కు వారు – వారి శ్రీమతి గారే! ముగ్గురు మగపిల్లలూ, ఒక అమ్మాయి, సంతానం గల వీరు, పిల్లల్ని ప్రయోజకులని చేయడమే కాకుండా, వారి సోదరుడి కుమార్తె, కుమారుడిని కూడా పెంచి పెద్దచేసి ప్రయోజకుల్ని చేసిన పుణ్యమూర్హులు ఈ ఆదర్శ దంపతులు. ఈ వూళ్ళో వాళ్లే మాకు పెద్ద దిక్కు.

రత్నం గారి రెండవ పుస్తకం సాహిత్య కుసుమాలు

ఇక అసలు విషయానికి వస్తే, నేను జనగాం ప్రభుత్వ ఆసుపత్రిలో పని చేస్తున్నప్పుడు వీరు హైద్రాబాద్‌లో ఇంజనీర్-ఇన్-చీఫ్ ఆఫీసులో పని చేస్తుండేవారు. అప్పటికి ఆయనకు రిటైర్మెంట్ కొద్దీ సంవత్సరాలే వుంది. రోజూ రైలులో ఆఫీసుకు వెళ్లి తిరిగి మళ్ళీ సాయంత్రం రైలులో వచ్చేవారు. అప్పటికి ఆయన చీఫ్ అకౌంట్స్-ఆఫీసర్‌గా పనిచేస్తున్నారు.

రత్నం గారి మరో పుస్తకం భావ కెరటాలు

అనుకోకుండా ఒకరోజున ఉదయం ఆయన హైదరాబాద్ వెళ్తూ, నేను జనగాం వెళ్తూ భాగ్యనగర్ ఎక్స్‌ప్రెస్‌లో కలిసాం. పక్కపక్కన సీట్లు దొరకడంతో ముచ్చట్లు మొదలు పెట్టిన తర్వాత, సడెన్‌గా ఒక మడత పెట్టిన కాగితం జేబులోనుంచి తీసి నా చేతిలో పెట్టి ‘చదవండి’ అన్నారు. కాగితం మడత విప్పి చూద్దును కదా అది సీసపద్యం. నేను ఛందస్సు మరచిపోయి చాలా కాలం అయింది, అక్కడ ఫలానా అని రాస్తే తప్ప, ఏ పద్యం అన్నది గుర్తుపట్టలేను. కానీ నాకు పద్యం అన్నా, పద్యం పాడేవాళ్ళన్నా చాలా ఇష్టం. ఆయన ఇచ్చిన కాగితంలోని పద్యం సరళమైన భాషలో ‘కోనసీమ అందాలు’ గురించిన కమ్మని పద్యం. నాకు చాలా బాగా అనిపించింది, బహుశః నేనుకూడా కోనసీమకు చెందినవాడిని కాబట్టి కావచ్చు!

రత్నం గారి మరో రచన హృదయ తరంగాలు

పద్యం రెండు మూడు సార్లు చదివి “ ఎవరండీ ఇది రాసింది?” అన్నాను.

“ఏమి.. బాగోలేదా?” అన్నారు.

“చాలా బాగుంది.. అందుకే అడిగాను” అన్నాను.

“నేనే..!!” అన్నారాయన, నవ్వుతూ.

నాకు చాలా సంతోషమైంది. ఆయనకు సాహిత్యం పట్ల, ముఖ్యంగా పద్యం పట్ల అంత అభిరుచి, అవగాహన వున్నఉన్న విషయం, ఆ పద్యం చదివేవారకూ నాకు తెలీదు. ఆయన ఏమాత్రం విశ్రాంతి సమయం దొరికినా ఆధ్యాత్మిక కార్యక్రమాల పట్ల అభిరుచి చూపించడం నాకు తెలుసు. ఆ పద్యం ఆయన రాసినట్టు చెప్పగానే,వారిని ఒక కోరిక కోరాను, అది ఏమిటంటే,కోనసీమ గురించి ఒక శతకం రాయమని ఆయనను అర్థించాను. ఆయన నవ్వుతూ ‘తప్పక రాస్తాను’ అన్నారు. ఎప్పుడో చదివిన ఛందస్సు గుర్తు పెట్టుకుని ఈ వయసులో పద్యాలు రాయడం మామూలు విషయం కాదు. ఆయన నాకు మాట ఇచ్చిన ప్రకారం పదవీ విరమణ చేయగానే వందకు పైగా పద్యాలు రాసి నాకు చూపించారు. అది చదూతుంటే కోనసీమ.. కళ్ళముందు ప్రత్యక్షం కావలసిందే! దానికి ‘కోనసీమ సొంపులు’ అని నామకరణం చేసాము. ముందుమాట రాయవలసిందిగా, అప్పుడు అమలాపురం డిగ్రీ కళాశాలలో తెలుగు పండితులుగా పనిచేస్తున్న మిత్రులు ద్వా.నా. శాస్త్రి గారిని కోరడం జరిగింది.

వెంకటరత్నం గారి కుటుంబం

రచయితతో శ్రీ కుసుమ వెంకట రత్నం గారు, హనంకొండ.

ఆయన చేతనే ఈ పుస్తకాన్ని తూర్పుగోదావరి జిల్లా ‘మోరి’లో ఆవిష్కరింప జేశాము. ఆ సభకు కందికట్ల మందేశ్వరరావు గారు, భూపతి నారాయణ మూర్తి గారు కూడా హాజరైనారు. ఆ తర్వాత ఆయన చాలా పుస్తకాలు రాశారు. నావల్లనే అన్ని పుస్తకాలు రాయగలిగాను, అని అయన అంటున్నప్పుడు నాకు కించిత్ గర్వమూ, కొంచెం సిగ్గు కూడా కలుగుతుంటాయి. ఆయన పాండిత్యం ముందు నేను అసలు పనికి రాను. అయినవారి ప్రోత్సాహము, సహకారమూ మరింత వుండి ఉంటే, ఆయన మరెన్నో పద్య కావ్యాలు రాసివుండేవారు. ఆగస్ట్ నెల 1997లో పదవీ విరమణ చేసిన, ఈ కవిగారి ప్రస్తుత వయస్సు 86 సంవత్సరాలు. ఇంతకీ కవిగారి పేరు చెప్పనేలేదు కదూ! ఆయనే పద్య కవి, శ్రీ కుసుమ వెంకటరత్నం గారు. విశ్రాంత జీవితం గడుపుతున్న సహజ కవి మిత్రుడు. సహృదయతకు నిలువెత్తు సాక్ష్యం శ్రీ వెంకటరత్నం గారు.

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా.కె.ఎల్.వి.ప్రసాద్
June 20, 2021 at 7:07 am
సంచిక సంపాదకవర్గానికి ఇతర సాంకేతిక నిపుణుల కు హృదయపూర్వక ధన్యవాదాలు.

Reply
2

Sahar
June 20, 2021 at 7:34 am
మొదట మీరు చెప్పినట్లుగా కవిత్వం వ్రాయడం చిన్నవిషయం కాకపోవచ్చుకానీ ఆ విదంగా వ్రాసేందుకు ఉత్సాహపరచే శ్రేయోభిలాషులు ఉన్నప్పుడు ఖచ్చితంగా అది ఒక వ్యాపకమవుతుంది. అందుకు నా విషయమే ఒక ఉదాహరణ. మీరు ఇచ్చిన ప్రోత్సాహమే కదా? కవిత్వం అంటే ప్రాస ఖచ్చితంగా ఉండాలి అనే అఙ్ఞానంలోంచి బయటపడి ఈరోజు రెండువందల యాబై కవితలు వ్రాసిందీ? ఇక వెంకటరత్నంగారికి ఉద్యోగంచేసే సమయంలోనూ ఆ ఉత్సాహం ఉన్నట్లు కనిపిస్తుంది.ఇక మీరు ఇచ్చిన ప్రోత్సాహంతో మరియు విరమణ అనంతరం దొరికిన ఖాళీ సమయాన్ని బాగ సద్వినియోగపరచారు. అలాగే మీరు అన్నట్లు ఎప్పుడో చదివిన చందస్సు గుర్తు పెట్టుకుని ఈ వయస్సులో వ్రాయడం చిన్నవిషయం కాదు. వారికి నా హృదయపూర్వక అభినందనలు. మంచిరచనను అందించిన మీకు ధన్యవాదములు సర్ .

Reply
1. 2.1
  
  డా.కె.ఎల్.వి.ప్రసాద్
  June 20, 2021 at 8:09 am
  సాగర్
  నీ స్పందన కు ధన్యవాదాలు.
  
  Reply
3

డా.కె.ఎల్.వి.ప్రసాద్
June 20, 2021 at 7:59 am
Gd Mng doctor garu,
The inner talent of every individual will be noticed by others. The encouragement by others will give enough confidence to the individual and further sharpen their skills. That’s how you could excavate Sri Venkatratnam gari otherwise hidden talent.
Pls convey my pranamams to Kavi garu (Sri KVR garu).
—–Surya narayana rao
Hyderabad.

Reply
1. 3.1
  
  డా.కె.ఎల్.వి.ప్రసాద్
  June 20, 2021 at 8:00 am
  Thank you sir.
  
  Reply
4

ఎన్.వి.ఎన్.చారి
June 20, 2021 at 8:38 am
ప్రేరణ నిబిఢీకృతమైన అంతర్లీన శక్తులను ఉద్దీపనచేసే వాయులీనమవుతుంది. కుసమవెంకటరత్నంగారి సృజనాత్మక పద్య వచన కావ్యారవిందాలు వికసించడానికి సూర్యుడయ్యారు డాక్టరుగారూ.ఇవన్నీ మనకుతెలియకుండా భగవంతుడు రచించిన కాల ప్రభావాలే. ఏ నిమిషానికి ఏమి జరుగునో విధి నిర్ణయమే.
ఈ రోజుల్లో తెలుగు సాహిత్యంలో పట్టా పుచ్చుకున్నవారికంటే ఇతర రంగాలవారే కవితా సృష్టికి ఆరంగేట్రం చేస్తున్నారు. నిజానికి ఎవరివల్ల సాహిత్యం బ్రతకాలో వారివల్లనే బ్రతుకుతుంది
చక్కని అనుభవం సహానుభూతులను పంచింది
ధన్యతలు.

Reply
1. 4.1
  
  డా.కె.ఎల్.వి.ప్రసాద్
  June 20, 2021 at 9:02 am
  చారిగారూ
  మీస్పందనకు ధన్యవాదాలండీ.
  
  Reply
5

డా.కె.ఎల్.వి.ప్రసాద్
June 20, 2021 at 9:00 am
మనకుసంబందిన్చినంతవరకుపెద్దల(తెలిసినవారు)చేసే సలహాలు సహాయం మనజీవితంలో ఎంతోఉపయోగపడతాయి ఆవేమనకు మార్గదర్శనం చేస్తాయి…..చాలాబాగుంది అన్నయ్యా…మీజ్ఞాపకాలపందిరిలో ఇదో జ్ఞాపకం 🙏🙏🙏
—-కృష్ణ మూర్తి. కానేటి.
హైదరాబాద్.

Reply
1. 5.1
  
  డా.కె.ఎల్.వి.ప్రసాద్
  June 20, 2021 at 9:05 am
  తమ్ముడు
  నీ స్పందన కు ధన్యవాదాలు.
  
  Reply
6

డా.కె.ఎల్.వి.ప్రసాద్
June 20, 2021 at 9:06 am
వెంకట రత్నం గారు ఇన్ని పుస్తకాలు వ్రాసారూ అని నాకూ ఇప్పుడే తెలిసింది. తనలోని ఆ శైలిని గుర్తించి ప్రోత్సహించిన మీకు ధన్యవాదాలు. కవయితృల కలయిక, గడిపిన సమయం అమూల్యమైనది, ఆనందమాయమైనది.

——ప్రొఫెసర్ రవి కుమార్
కాజీపేట.

Reply
1. 6.1
  
  డా.కె.ఎల్.వి.ప్రసాద్
  June 20, 2021 at 9:07 am
  ధన్యవాదాలు సోదరా
  
  Reply
7

డా.కె.ఎల్.వి.ప్రసాద్
June 20, 2021 at 9:10 am
గొప్ప వ్యక్తి వెంకటరత్నం గారి గురించి చెప్పారు. బాగుంది.

——–ప్రొఫెసర్. సి.హెచ్. సుశీల
హైదరాబాద్.

Reply
1. 7.1
  
  డా.కె.ఎల్.వి.ప్రసాద్
  June 20, 2021 at 10:23 am
  ధన్యవాదాలండీ
  
  Reply
8

Sarasi
June 20, 2021 at 9:53 am
ఎన్ని పుస్తకాలు రాశారు!!! సరస్వతీ కటాక్షం. అటువంటి వారితో సాన్నిహిత్యం మీకు గర్వకారణం.

Reply
1. 8.1
  
  డా.కె.ఎల్.వి.ప్రసాద్
  June 20, 2021 at 10:24 am
  సరసి గారు ధన్యవాదాలండీ.
  
  Reply
9

డా.కె.ఎల్.వి.ప్రసాద్
June 20, 2021 at 10:26 am
Chala bagundi sir 👍👌👌🙏🙏

—-ప్రమోద్. కుసుమ.
హైదరాబాద్.

Reply
1. 9.1
  
  డా.కె.ఎల్.వి.ప్రసాద్
  June 20, 2021 at 12:07 pm
  ధన్యవాదాలు.
  
  Reply
10

డా.కె.ఎల్.వి.ప్రసాద్
June 20, 2021 at 12:05 pm
ఒక గొప్ప వ్యక్తి కుమారుడు కావడం నాకు చాలా సంతోషంగా ఉంది. ఫాదర్స్ డే నాడు ఈ సందేశాన్ని అందుకోవడం చాలా సంతోషంగా ఉంది. ఒక చిన్న గ్రామంలో పుట్టి, ఖాతాలతో పనిచేసిన తరువాత, పదవీ విరమణ తరువాత, అతని పాత రచనా పరిధిని తెరిచిన తరువాత, ఇది మీ జోక్యం వల్ల అని నేను నమ్ముతున్నాను. 🙏🏻💐🙏🏻
——వినోద్ కుసుమ
హైదరాబాద్.

Reply
1. 10.1
  
  డా.కె.ఎల్.వి.ప్రసాద్
  June 20, 2021 at 12:06 pm
  బాబూ
  మీ స్పందనకు ధన్యవాదాలు.
  
  Reply
11

డా.కె.ఎల్.వి.ప్రసాద్
June 20, 2021 at 12:27 pm
సాహిత్యాభిమున్న ప్రతి వ్యక్తి తనలో ఎక్కడో దాగి ఉన్న ఆ కళని… ఎలా ,ఎప్పుడు ,ఎవరికి, ఏ రూపంలో బహిర్గత పరచాలి… అనే మీమాంసలో ఉన్నప్పుడు రచనా వ్యాపకంలో అనుభవజ్ఞులైన మీరు అందించిన సహకారంతో ఎందరో నాలాంటి వారు ఇప్పుడిప్పుడే మనమీద మనకే గర్వము కలిగించే సత్ సంకల్పం వైపుకు అడుగులు వేస్తున్నారు .
మాలాంటి వారికి ఈ అలవాటు ఎలా అబ్బింది, దానివల్ల ఎలాంటి తృప్తి కలిగింది అనే విషయానికి వస్తే…. ఎవరైనా మిత్రులు తను తయారు చేసినటువంటి ఏదైనా ఒక తినుబండారం ఎలా ఉందో, రుచి చూసి చెప్పమన్నప్పుడు ,అది చాలా చక్కగా ఉంది ,మీ యొక్క నేర్పరితనానికి హ్యాట్సాఫ్ అంటూ… దాన్ని ఎలా తయారు చేయాలో ఆ వ్యక్తి ద్వారానే తెలుసుకుని, ప్రయత్నించి తను కూడా కొంతలోకొంత సఫలీకృతులై ,శ్రేయోభిలాషుల నుండి మన్నలను పొందినప్పుడు కలిగే అనుభూతి లాంటిది.
—-బి.రామకృష్ణా రెడ్డి
సఫిల్ గూడ
సికింద్రాబాద్.

Reply
1. 11.1
  
  డా.కె.ఎల్.వి.ప్రసాద్
  June 20, 2021 at 12:28 pm
  రెడ్డి గారూ ధన్యవాదాలు.
  
  Reply
12

డా.కె.ఎల్.వి.ప్రసాద్
June 20, 2021 at 12:56 pm
63వసంచికచదివాను.వెంకటరత్నంగారి తో నాకుపరిచయంమాత్రమే కాక స్నేహంకూడా ఉన్నది.ఆయనపుస్తకాలుకూడాచూచాను.స్నేహశీలి. మాకుఅధికారిగాఉన్నా అదర్పం ఎన్నడూప్రదర్శి న్చలేదు.సాత్వికుడు లిటైరయినాక ఎక్కువగాకలువలేదు.వెంకటరత్నంగారి గురించి మరల మాట్లాడుకోవటం ఆనందంగా ఉంది . ఒక్క గూటిపక్షులంగదా!

—–నాగిళ్ల రామశాస్త్రి
హన్మకొండ .

Reply
1. 12.1
  
  డా.కె.ఎల్.వి.ప్రసాద్
  June 20, 2021 at 12:57 pm
  శాస్త్రి గారూ
  ధన్యవాదాలు.
  
  Reply
13

Sambasiva+Rao+Thota
June 20, 2021 at 2:34 pm
Dr,Prasad Garu!
I am delighted to know about Sri Kusuma Venkatarathnam Garu..
Even after retirement,He has shown his proffiency in Telugu Sahithya seva..
Dhanyavaadaalandi 🙏

Reply
1. 13.1
  
  డా.కె.ఎల్.వి.ప్రసాద్
  June 20, 2021 at 5:00 pm
  Dear Rao garu
  Thank you sir.
  
  Reply
14

Dr. O . N.ageswara Rao
June 20, 2021 at 3:40 pm
HEARTY ❤️ Congratulations Sir Kusuma VenkataRatnam garu, Iam very proud of you Sir, both Dr.klv n KVRatnam garu Razole Constituency kavulu staying in one place n doing wonders n creating history through lots of kavithalu, kadhalu, padyalu very useful to to the people.
Its really Great Sir at this age you are showing your talent n ability with the inspiration of our Dr.klv.
May God bless you and your family, Both are Razole Ratnalu it’s our gift given by God.
Thank you sooo much to Drklv garu for enlightened Konaseema n Kusuma VenkataRatnam garu.

Reply
1. 14.1
  
  డా.కె.ఎల్.వి.ప్రసాద్
  June 20, 2021 at 4:59 pm
  Bro.Rao
  Thank you for your
  Response.
  
  Reply
15

Rajendra+Prasad
June 20, 2021 at 4:12 pm
నిజమే! ఎప్పుడో చదివిన ఛందస్సులు గుర్తుపెట్టుకొని సీ పద్యం రాయటం సులువేమి కాదు. మీరన్నట్టు సహజ కవి అయి ఉంటారు వెంకట రత్నం గారు! మంచి వ్యక్తిని పరిచయం చేశారు ధన్య వాదాలు

రాజేంద్రప్రసాద్ , శ్రేయోభలాషి

Reply
1. 15.1
  
  డా.కె.ఎల్.వి.ప్రసాద్
  June 20, 2021 at 4:58 pm
  ప్రసాద్ గారు
  మీ స్పందన కు ధన్యవాదాలండీ.
  
  Reply
16

Dr.Harika
June 20, 2021 at 5:17 pm
Good evening sir,
Every knows that you always encourage people around you to get better in their own interests and especially if it is related to writing.
It’s very rare to see people like you who genuinely supports for others growth.
Hearty congratulations to shri.Venkarathnam garu and wishing him good health.
I wish, I read sir’s books in near future especially ‘Konaseema sompulu’ as I like to know the cultural aspects in our country.
Thank you sir for sharing your experiences.

Reply
1. 16.1
  
  డా.కె.ఎల్.వి.ప్రసాద్
  June 20, 2021 at 5:35 pm
  Thank you Dr.Harika.
  
  Reply
17

Shyam
June 20, 2021 at 9:29 pm
ఒక కళ అభివృద్ధి చెందాలంటే ఆ వ్యక్తికి సరైన ప్రోత్సాహం ,గుర్తింపు ఉండాలి , అనేది ఎవరూ కాదనలేని నిజం. కళాకారుడికి, ప్రోత్సహించి వెన్ను తట్టె సమాజం కానీ వ్యక్తులు కానీ దొరకడం చాలా అదృష్టం. Dr. ప్రసాద్ గారు ఇలా ఎంతమందిని ఉత్సాహ పరిచి మంచి కళాకారు లు గా చేశారో అర్థం కాదు. సాధారణంగా కళాకారులు వారి వారి ఉత్సాహo తో కృషి చేస్తూ ఉన్నత శిఖరాలను అధిరోహించడానికి ప్రయత్నిస్తుంటారు, భవిష్యత్ కళాకారులను గుర్తించడం కానీ వారికి తగిన ప్రోత్సాహం కల్పించడానికి కానీ ఎవరికీ సమయం దృష్టి ఉండదు. ఈ విధంగా డాక్టర్ ప్రసాద్ గారు మాత్రమే చేయగలరు. ఎవరికైనా సరే మంచి గురువులు లేదా మంచి మార్గదర్శకులు దొరకడం అది చాలా అదృష్టం. మీకు తెలుసు కదా వివేకానందుడు అంతటి వారి కి కూడా తగిన గురువు దొరకటం మూలాన ఎంతటి ఉన్నత శిఖరాలు అధిరోహించారో !!!

Reply
1. 17.1
  
  డా.కె.ఎల్.వి.ప్రసాద్
  June 20, 2021 at 11:01 pm
  మిత్రమా
  నీ స్పందన కు ధన్యవాదాలు శ్యామ్.
  
  Reply
18

డా.కె.ఎల్.వి.ప్రసాద్
June 20, 2021 at 11:04 pm
ఛందస్సులో పద్యాలు రాయడం ఈ రోజుల్లో కష్టమైన పని. కష్టమైన సాహిత్య ప్రక్రియను సులభంగా రాయడం కుసుమ వెంకటరత్నం గారి ప్రతిభకు నిదర్శనం. పద్య కుసుమాలు పూయించారు వెంకటరత్నం గారు. గొప్ప కవి పరిచయం అర్థవంతంగా ఉంది. అభినందనలు.
–జి.శ్రీనివాసాచారి
కాజీపేట.

Reply
1. 18.1
  
  డా.కె.ఎల్.వి.ప్రసాద్
  June 20, 2021 at 11:05 pm
  చారి గారూ
  మీ స్పందన కు ధన్యవాదాలండీ.
  
  Reply
19

డా.కె.ఎల్.వి.ప్రసాద్
June 20, 2021 at 11:08 pm
కళ ఏదైనా ఎంతో కాలం లోలోపల దాగి ఉండలేదు.తగిన ప్రేరణ దొరగ్గానే తప్పక బయట పడుతుంది. ఎందరో మా లాంటి వర్ధమాన కవుల్ని మీరు ప్రోత్సహిస్తుంటారు మా వంటి చిన్నవారికే కాక శ్రీ కుసుమ గారి వంటి పెద్దల్లో ఉన్న సాహితీ పిపాసను వెలికితీసి కోనసీమను శతకంలో మరింత సొంపులు కూర్చేలా చేయడం నిజంగా గొప్ప సంగతి.వారు ఎంతో విలువైన పద్య రచనను పెద్ద వయస్సులో చేయడం అంటే వారి విజ్ఞానానికి,సాహితీ జిజ్ఞాస కు నమస్కరించక తప్పదు.ఒక మంచి మాట, చిన్న ప్రోత్సహం ఎంతో విలువైనవి అవుతుంటాయి అనే విషయం మీరు పంచుకున్న ఈ జ్ఞాపకంతో నిజమని రుజువయ్యింది సర్.ఇరువురికీ నమస్సులు💐💐💐🙏
—–నాగజ్యోతి శేఖర్
కాకినాడ.

Reply
20

డా.కె.ఎల్.వి.ప్రసాద్
June 20, 2021 at 11:09 pm
అమ్మా
మీ స్పందన కు ధన్యవాదాలండీ.

Reply
21

Bhujanga rao
June 21, 2021 at 8:21 am
జ్ఞాపకాల పందిరి 63 చదివాము బాగుంది.వెంకట రత్నం గారి గురించి చాలా విషయాలు తెలుసుకున్నాము.మంచి వ్యక్తి,గొప్ప కవి పరిచయం బాగుంది.ధన్యవాదములు సర్.

Reply
1. 21.1
  
  డా.కె.ఎల్.వి.ప్రసాద్
  June 21, 2021 at 10:21 am
  ధన్యవాదాలండీ.
  
  Reply
22

Jhansi koppisetty
June 21, 2021 at 8:29 am
నిజమే… సాహిత్య సేద్యానికి వయసుతో నిమిత్తం లేదు. చిన్న చితక వర్ధమాన కవులకే కాకుండా అంతటి పండితులకు కూడా మీరు ప్రేరణ అయ్యారంటే నిజంగానే గర్వించతగ్గ విషయం. అలాంటి మీ స్నేహం లభించటం మా అదృష్టం🙏🏻🙏🏻🙏🏻

Reply
1. 22.1
  
  డా.కె.ఎల్.వి.ప్రసాద్
  June 21, 2021 at 10:20 am
  ఝాన్సీ గారూ
  ధన్యవాదాలు.
  
  Reply
23

డా.కె.ఎల్.వి.ప్రసాద్
June 21, 2021 at 9:18 am
తెలుగు భాష పద్యం లో ఛందో భదమైన పద్యలో అందం వేరే సర్. వేమన పద్యాలు ఆటవెలది అని చిన్నపుడు చదువు కొన్నాను.
సూర్యుడొక్కడు సురరాజులిద్దరు
అని ఒక పద్యం ఆటవెలది , తేటగీతి పద్యాల చంద్దసు చెప్తుంది.
సూర్య గాణాలు, చంద్ర గుణాలు, ఇప్పటికీ ఇంకా మర్చిపోలేదు. నా కూతురు చదువుతో తో మాళ్ళి అవి ఒక సారి నెవరు వేసుకున్నాను.
మీకు అలాంటి కవి పరిచయం మీ అదృష్టం.🙏🏻💐
—–డా.డి.సత్యనారాయణ
హైదరాబాద్.

Reply
1. 23.1
  
  డా.కె.ఎల్.వి.ప్రసాద్
  June 21, 2021 at 9:18 am
  ధన్యవాదాలండీ.
  
  Reply
24

డా.కె.ఎల్.వి.ప్రసాద్
June 21, 2021 at 10:19 am
Na abhiprayam prakaram upodgatham chala bagundi kani koncham lengthy anipinchindi dady first cashier ga chesina direct recruit junior accounts officer ga exam rasi select ayaru muginpu bagundi kani meru train lo chadivina sesa padyam kuda rasthe bagundedi sir
—–ప్రమోద్. కుసుమ.
హైదరాబాద్.

Reply
1. 24.1
  
  డా.కె.ఎల్.వి.ప్రసాద్
  June 21, 2021 at 10:20 am
  బాబూ
  ధన్యవాదాలు.
  
  Reply
25

Sumana
June 21, 2021 at 6:07 pm
Super hidden hero.

Reply
1. 25.1
  
  డా.కె.ఎల్.వి.ప్రసాద్
  June 21, 2021 at 7:32 pm
  Thank you.
  
  Reply
26

G.N.Rao
June 21, 2021 at 6:32 pm
కొద్ది మంది కి నిగూఢ నిక్షిప్తమై నవి కొన్ని ఉంటాయి… గ్రామీణ వాతావరణంలో,ఓ సామాన్య కుటుంబ వాతావరణం లో నుండి వచ్చి సీస పద్యాలు వ్రాయడం అంత సులభం కాదు… నిజంగా ఆయన కారణజన్ముడు.. అటువంటి వ్యక్తి నీకు బంధువు, ఆత్మీయులు గావటం నీకు అదృష్టం మిత్రమా!ధన్యుడవు

Reply
1. 26.1
  
  డా.కె.ఎల్.వి.ప్రసాద్
  June 21, 2021 at 7:30 pm
  ధన్యవాదాలు
  మిత్రమా.
  
  Reply
27

డా.కె.ఎల్.వి.ప్రసాద్
June 21, 2021 at 7:30 pm
ధన్య వాదాలు డాక్టర్ గారు, కవి గారి జీవితాన్ని సంగ్రహంగా సమీక్షించారు ధన్యవాదములు.🙏🏻

———సుమన విద్యా సాగర్
హనంకొండ

Reply
1. 27.1
  
  డా.కె.ఎల్.వి.ప్రసాద్
  June 21, 2021 at 7:31 pm
  అమ్మా మీ స్పందన కు ధన్యవాదాలండీ
  
  Reply
28

మొహమ్మద్+అఫ్సర+వలీషా
June 22, 2021 at 10:21 am
ఒక మనిషి లోని కవి హృదయాన్ని తాకి దాన్ని వెలికి తీసి అద్భుతమైన రచనలు చేయడం లో ప్రముఖ పాత్ర వహించిన మీ ఔన్నత్యం చాలా గొప్పది సార్. ఉన్న స్వంత ఊరి జ్ఞాపకాలను మంచి చిత్రాలతో పుస్తకాలు వ్రాసి అచ్చు వేయించ గలిగే స్థాయి ని తీసుకుని రాగలగడం నిజం గా అభినందనీయం సార్ మీ సహృదయత స్నేహశీలత చాలా గొప్పది సార్ అలాంటి వ్యక్తి ని మేము గురువుగా పొందటం మా అదృష్టంగా భావిస్తున్నాను. మీకు వెంకట రత్నం సార్ గారికి హృదయపూర్వక శుభాకాంక్షలు శుభాభినందనలు సార్ 💐🙏💐🙏💐🙏💐🙏💐🙏💐🎊💐🙏

Reply
1. 28.1
  
  డా.కె.ఎల్.వి.ప్రసాద్
  June 22, 2021 at 10:32 am
  అమ్మా
  నీ స్పందన కు ధన్యవాదాలండీ.
  
  Reply