తమ పిల్లల మనుగడ కోసం ఆత్మహత్యలు చేసుకునే ‘లెమింగ్స్’

[వివిధ జంతువుల ప్రత్యేకతలను చిన్న వ్యాసాలుగా బాలబాలికలకు అందిస్తున్నారు పుట్టి నాగలక్ష్మి.]

పిల్లలూ!

మా గురించి మీకు తెలుసా? మమ్మల్ని ‘లెమింగ్స్’ అంటారు. మేము మీ యిళ్ళలో ఉండే చుంచు ఎలుకల్లా ఉంటాం. మాకు బుల్లి తోక ఉంటుంది. మా శరీరమంతా దట్టంగా వెంట్రుకలతో కప్పి ఉంటుంది. మా అమ్మ, నాన్నలు మా కోసం ప్రాణత్యాగం చేస్తారు. మేము ప్రత్యేకం దీనిని గురించి యిప్పుడు చెప్తాం.

మా అమ్మలు నాలుగేళ్ళకొకసారి గర్భం ధరిస్తారు. ఒకేసారి పదిమంది పిల్లలని కంటారు. సముద్రాలకి దగ్గరగా ఉండే చిట్టిపొట్టి మొక్కలని – మొక్కల వేర్లని వెతికి ఆహారంగా పెట్టి మమ్మల్ని పెంచుతారు.

ఒకేసారి పదిమంది పిల్లలం పుడతాం కాబట్టి హఠాత్తుగా మా జనాభా పెరిగిపోతుంది. కాబట్టి మాకు ఆహారపు కొరత ఏర్పడుతుంది. మా పెద్దవాళ్ళకి ఈ సమస్యకి పరిష్కారం ఏమిటా అనే ఆలోచన ఎదురవుతుంది. వారందరూ కలిసి మమ్ముల్ని బ్రతికించడం కోసం ప్రాణత్యాగం చేయడానికి సిద్ధపడతారు. వారందరూ కలసి సముద్రంలోకి వెళ్ళి ఆత్మహత్య చేసుకుంటారు. ప్రతి నాలుగేళ్ళకు ఒకసారి మా జాతిలో పెద్దవారు ఆత్మహత్యలు చేసుకుంటూ-తమ పిల్లలమయిన మమ్మల్ని కాపాడుకోవడం వింతగా అనిపించడం లేదూ!

అవును ఇది అద్భుతమే! మా జాతి మనుగడకోసం ప్రకృతే ఈ అద్భుతాన్ని సృష్టించింది. ప్రకృతి సమత్యులతని సాధించడానికి తనకి తానే ఎన్నో అద్భుతాలు సృష్టిస్తుందో చూశారా!

మీ మానవులలో కూడా కొంతమంది తల్లిదండ్రులు ఆత్మహత్యలు చేసుకుంటున్నారట కదా! పిల్లల వల్లనే అని వింటున్నాం. మీ మనుగడ కోసం అష్టకష్టాలు పడినవారి ఆత్మహత్యలను ఆపే ప్రయత్నం చేయండి. చేస్తారు కదూ!

పుట్టి నాగలక్ష్మి

7 Comments

కొల్లూరి సోమ శంకర్

October 6, 2025 at 2:11 pm

ఇది జి. ప్రమీల గారి వ్యాఖ్య: *4సం..కు ఒకసారి కదా ఇవి జన్మించేది, అందులో ఎన్ని ఇతర జీవువలకు ఆహారమౌవుతాయో కదా. పెద్ద లెమింగ్స్ చనిపోవటానికి ఇంకేదైనా కారణ ముందేమో అని నా సందేహం. ఇవి సముద్రాల సమీపంలో వుండటానికి కారణం? అక్కడ వుండే మొక్కలు వేర్లు మాత్రమే వాటి ఆహారమా? ఏ యే సముద్రాల దగ్గర ఇవి జీవించుచున్నాయి? జి. ప్రమీల, గుడివాడ.*

కొల్లూరి సోమ శంకర్

October 6, 2025 at 2:13 pm

ఇది వి. బాలామూర్తి గారి వ్యాఖ్య: *మీ బుజ్జి కథ బాగుంది. ఈ లెమింగ్స్ గురించి నాకూ తెలియదు. మంచి విషయం తెలుసుకున్నాను. అభినందనలు! వి. బాలామూర్తి, హైదరాబాద్.*

కొల్లూరి సోమ శంకర్

October 6, 2025 at 2:14 pm

ఇది వి జయవేణి గారి వ్యాఖ్య: *మీ రచన వల్ల నాకు ఈ రోజు ఒక కొత్త విషయం తెలిసింది. లెమింగ్స్ ప్రాణ త్యాగం చేయడం వింతగా ఉంది. వి. జయవేణి, గుడివాడ.*

కొల్లూరి సోమ శంకర్

October 6, 2025 at 2:16 pm

ఇది మంథా భానుమతి గారి వ్యాఖ్య: *నిజంగా వీటి గురించి నాకు తెలియదు. వ్యాసం బాగుంది. మంథా భానుమతి, హైదరాబాద్.*

కొల్లూరి సోమ శంకర్

October 6, 2025 at 2:18 pm

ఇది పి. ఉషారాణి గారి వ్యాఖ్య: *బాగుంది ..కొత్తగా వింటున్నా ఆ జంతువు గురించి. పి. ఉషారాణి, గుడివాడ.*

కొల్లూరి సోమ శంకర్

October 6, 2025 at 2:25 pm

ఇది లలిత చండీ గారి స్పందన: *చాలా బావుంది. పిల్లల కోసం ఆ చిన్న జంతువులు ప్రాణాన్ని త్యాగం చేస్తున్నాయి. ప్రస్తుతం మానవులు వాళ్ల స్వార్థం కోసం పిల్లల్ని చంపేస్తున్నారు 🙏🏻 లలిత చండీ, హైదరాబాద్.*