మా అన్న మీనన్ మలయాళీ కాదు..!!

ఆగష్టు 1, 2021 తేదీ ప్రసిద్ధ రచయిత శ్రీ కె. కె. మీనన్ గారి వర్ధంతి సందర్భంగా ఈ వ్యాసం అందిస్తున్నారు డా. కె. ఎల్. వి. ప్రసాద్.

శ్రీ కె.కె.మీనన్

మంచివాళ్ళు, మంచి రచయితలూ, పుణ్యకార్యాలు చేసేవాళ్ళూ అందరూ వారి గురించి, వారు చేసిన పనుల గురించి ప్రచారానికి పెద్దగా ఆసక్తి చూపించరు. ఇంకా చెప్పాలంటే ఇష్టపడరు కూడా. నిశ్శబ్దంగా వారు చేయదలచుకున్న పని చేసుకుంటూ పోతారంతే! ప్రశంసల కోసం అసలు ఎదురు చూడరు. ఎవరైనా ఆ పని చేసినా అసలు ఒప్పుకోరు. వారి మనస్తత్వం అంతే, వారి జీవన శైలి ఇలాగే ఉంటుంది. అందుకే సమాజంలో ఎన్ని మంచి పనులు చేసినా చాలామందికి వారి గురించి సరైన సమాచారం తెలియదు. వారి గురించి ఆ నోటా.. ఈ నోటా వినేసమయానికి వారు మన మధ్య వుండరు. అలాంటి వారిలో నాకు అతి దగ్గరగా తెలిసిన మా పెద్దన్నయ్య స్వర్గీయ కె.కె. మీనన్ పెద్ద ఉదాహరణ. దీనికి తోడు ఆయన పేరు కూడా చాలా మందికి తికమక పెట్టి ఆయనను మలయాళీ చేసింది. ఆయన తెలుగువాడిగా చాలామందికి తెలియక పోవడం ఆశ్చర్యమే కాదు, కించిత్ బాధ కూడా కలుగుతుంది.

నాటి తెలుగు విశ్వవిద్యాలయం ఉపకులపతి పేర్వారం జగన్నాథం గారి హయాంలో మీనన్ గారికి కీర్తి పురస్కారం ప్రకటించినప్పుడు, సన్మాన సభలో సి. నారాయణ రెడ్డి గారి లాంటి వారే, “ఎవరీ మీనన్?” అన్నారంటే, దీనిని బట్టి మీనన్ గారి ప్రొఫైల్ ఏ స్థాయిలో ఉండేదో తెలుసుకోవచ్చు. ఎందుకంటే అప్పటికే ఆయన కొన్ని నవలలు, పాఠకాదరణ పొందిన కథలు ఎన్నో రాసి వున్నారు.

హైస్కూల్ రోజులనుండి కథలు రాయడం ప్రారంభించిన మీనన్ గారు 1942లో ‘దిండి’ (తూర్పుగోదావరి జిల్లాలోని నాటి రాజోలు తాలూకా, నేటి మల్కీపురం మండలం) గ్రామంలో కానేటి తాతయ్య – వెంకమ్మ దంపతులకు జ్యేష్ఠ కుమారుడిగా జన్మించారు. ఇక్కడ చెప్పుకోదగ్గ విషయం ఏమిటంటే, ఆయన తల్లిదండ్రులకు జ్యేష్ఠ కుమారుడైనా, పెద్దమ్మకు దత్తకుమారుడిగా (గోనమండ జేమ్స్, సత్తెమ్మ దంపతులు) వెళ్లడంతో, చాలామంది ఆయన పుట్టింది రామరాజులంక అని పొరబడ్తుంటారు. మొదటి సంతానాన్ని అలా దత్తత ఎందుకు ఇచ్చారో ఇప్పటికీ తెలియని పరిస్థితి.

లేకలేక పుట్టిన సంతానం కనుక ఆయనకు కృష్ణమూర్తి (పైగా ఇంట్లో అంతా నాస్తిక వాతావరణం) అని పేరు పెట్టారట. అప్పట్లో ఆ ప్రాంతం అంతా కమ్యూనిస్టుల ప్రభావం నిండి వున్నది. మా నాయన తాతయ్య గారు కూడా గొప్ప కమ్యూనిస్టు కార్యకర్త (రాజమండ్రి మొదటి పార్లమెంటు సభ్యుడు, ప్రముఖ కమ్యూనిస్ట్ నాయకుడు కానేటి మోహన రావు గారు మాకు సమీప బంధువు, అన్నయ్య వరుస). అప్పట్లో కేరళలోని ప్రముఖ కమ్యూనిస్టు నాయకుడు కృష్ణ మీనన్ ఉండేవారట. ఆయన పేరే మా అన్నయ్యకు పెట్టడం వల్ల కానేటి కృష్ణమూర్తి కాస్తా కానేటి కృష్ణ మీనన్‌గా రూపాంతరం చెందింది. అదీ ఆయన పేరు లోని అసలు కథ. మీనన్ గారు తెలుగు విశ్వవిద్యాలయంలో కీర్తి పురస్కారం (1993) అందుకుంటున్న సమయంలో ప్రేక్షకుల్లో నా పక్కనే వున్న ఒకాయన “ వీళ్ళకి తెలుగు రచయితలే కనపడలేదా, మలయాళీ రచయితకు ఈ అవార్డు ఇస్తున్నారు?” అన్నాడు. అలా ఉండేది మీనన్ గారి పరిస్థితి.

బాకీ బతుకులు ఆవిష్కరణ సభలో రచయిత మీనన్ గారిని సన్మానిస్తున్న శ్రీ ఆరుద్ర. పక్కన శ్రీ వాకాటి పాండురంగారావు గారు

మీనన్ గారు హై స్కూల్ జీవితం అంతా రాజోలులోనే జరిగింది. తర్వాత బి.ఏ. వరకూ పశ్చిమ గోదావరి జిల్లా, భీమవరంలోని ‘వెస్ట్ గోదావరి భీమవరం కాలేజీ’లో చదువుకున్నారు. విద్యార్థి నాయకుడిగా పలువురి ప్రశంశలు పొందారు.

తర్వాత నాగపూర్ విశ్వవిద్యాలయంలో, ఎకనామిక్స్‌లో పోస్ట్ గ్రాడ్యుయేషన్ పట్టాపొందారు. ఐ.ఏ.ఎస్. కోసం ప్రయత్నం చేశారు కానీ అది ఫలించని కారణంగా, ఆ ప్రయత్నాలు మానుకుని హైదరాబాద్ లోని అకౌంటెంట్ జనరల్ ఆఫీసులో సీనియర్ అసిస్టెంట్‌గా చేరిపోయారు. అక్కడి నుండి ఆయన సాహితీ ప్రస్థానం కనీసం కొంతమందికైనా తెలియడం మొదలు పెట్టింది. తెలుగు వారు, తెలుగు రచయితలు కలసి ఏ.జి. ఆఫీసులో ‘రంజని’ అని ఒక సాహిత్య సంస్థను ఏర్పాటు చేసుకున్నారు. అప్పట్లో అది ఒక ప్రామాణికమైన సాహిత్య సంస్థగా పేరుపొందింది. అలా అప్పుడు ‘రంజని’కి అధ్యక్షులుగా వున్న ప్రసిద్ధ కథా రచయిత శ్రీ ఇసుకపల్లి దక్షిణామూర్తిగారు మీనన్ గారికి మంచి ప్రోత్సాహం ఇవ్వడమే గాక ‘రంజని’కి ఉపాధ్యక్షుడిని చేశారు. అలా మంచి సాహిత్య సభలు ఏర్పాటు చేయడం, కథారచయితలను ప్రోత్సాహించడం, కథల పోటీలు పెట్టడం రంజని సాహిత్య సంస్థ చేస్తూ ఉండేది.

మీనన్ గారు కథలు నవలలు రాయడం అప్పుడే ప్రారంభం అయింది. మీనన్ గారి హయాంలో ‘రజిత రంజని’ అనే వ్యాస సంపుటి వెలుగు చూసి బహు పాఠకాదరణ పొందింది. రంజినికి అధ్యక్షుడిగా మీనన్ గారి సేవలు ఇప్పటికి చెప్పుకుంటుంటారు. రంజని మీనన్ గారికి అందించిన మిత్రుడు, సాహిత్యకారుడు, చిత్రకారుడు శ్రీ శీలా వీర్రాజు గారు. మీనన్ గారికి అనేక రంగాలలో చాలా మంది మిత్రులు ఉన్నప్పటికీ శ్రీ శీలా వీర్రాజు గారినే తన ఏకైక మిత్రుడిగా మీనన్ గారు బాహాటంగా ప్రకటించారు. వీరిద్దరి మైత్రి చాలా గొప్పది. వివరించడానికి పదాలు చాలనిది. ఇద్దరూ సున్నితమైన మనస్కులు కావడం దీనికి ప్రధాన కారణం కావచ్చు.

మీనన్ గారి మొదటి నవల

ఈ రచయితకు తెలిసి మొదట వచ్చిన మీనన్ గారు కలం నుండి వెలువడిన పుస్తక రూపం దాల్చిన మొదటి నవల ‘బాకీ బతుకులు’. దీనిని మొదట స్వాతి మంత్లీలో శ్రీ వేమూరి బలరాం గారు ప్రచురించారు. ఆ తర్వాత విశాలాంధ్ర ప్రచురణ సంస్థ నవలగా ప్రచురించడము; ప్రముఖ కవి, రచయిత సినీమా పాటల రచయిత శ్రీ ఆరుద్ర చిక్కడపల్లి గ్రంధాలయంలో ఆవిష్కరించడమూ జరిగింది. తూర్పు గోదావరి జిల్లాలోని వలస స్త్రీ కార్మికుల వెతలు, గాథలూ ఈ నవలలో సహజంగా (ముఖ్యంగా – ఊడ్పులు, కోతల సమయం) చిత్రించబడ్డాయి. మీనన్ గారు ఈ నవలను నాటి కమ్యూనిస్టు నాయకుడు, తన శ్రేయోభిలాషి గౌ. కనుమూరి రంగరాజు గారికి అంకితం ఇచ్చారు. ఎందుకో గానీ ఈ నవల సినీమా వారి దృష్టికి పోలేదు కాని, చక్కని దృశ్యకావ్యంగా మలచదగ్గ నవల ఇది.

మీనన్ గారు చాలా కథలు రాశారు,కానీ కొన్ని కథలు మాత్రమే పుస్తకరూపం దాల్చాయి. అవి ‘ఇది స్త్రీకింగ్ కాదు’, ‘పులికూడు’ ఇంకా అనేక అనువాద కథలు వున్నాయి.

మీనన్ గారి మొదటి కథా సంపుటి

‘ఇది స్త్రీకింగ్ కాదు’ (1979) కథల పుస్తకానికి అనేక ప్రత్యేకతలు వున్నాయి. కథలన్నీ ప్రత్యేకమైనవి, ఈ కథాసంపుటికి ముఖ చిత్రం బాపు వేశారు. ఈ పుస్తకానికి ముందుమాట శ్రీ కాళీపట్నం రామారావు గారు రాశారు. అట్టవెనుక రచయిత మీనన్ గారి బొమ్మ, లోపలి కథలకు బొమ్మలు శ్రీ చంద్ర వేశారు. ‘ఇది స్త్రీకింగ్ కాదు..’ అనే కథను శ్రీ భీంసేన్ నిర్మల్ హిందీ భాషలోకి అనువదించారు.

మీనన్ గారి రెండవ కథల సంపుటి

‘పులికూడు’ (1996) పుస్తకానికి ముఖ చిత్రం మీనన్ గారి ప్రాణ స్నేహితులు ప్రముఖ చిత్రకారులు శ్రీ శీలా వీర్రాజు గారు వేసి వారిద్దరి మైత్రిని సుస్థిరం చేసుకున్నారు. ముందుమాట కూడా కథా సంపుటికి వీర్రాజు గారే రాశారు.

అప్పట్లో ఆంధ్రప్రభ వారపత్రికలో సంచలనం సృష్టించిన వైజ్ఞానిక సీరియల్ నవల ‘క్రతువు’. సరోగసీ మీద వచ్చిన ఈ నవల నాటి ఆంధ్రప్రభ వార పత్రిక సంపాదకులు శ్రీ వాకాటి పాండురంగారావు గారికి బాగా నచ్చిందని మీనన్ గారు చెబుతుండేవారు. టెస్ట్ ట్యూబ్ బేబీల గురించి పాఠకుల్లో అంతగా అవగాహన లేని రోజుల్లో వెలుగు చూసిన నవల ఇది. మీనన్ గారికి మంచి పేరు తెచ్చిన నవల ఇది. మీనన్ గారు ఈ నవల కోసం నాటి బ్రిటీష్ లైబ్రరీలో (సెక్రెటరియేట్‌కు ఎదురుగా) నెలల తరబడీ రిఫెరెన్సు పుస్తకాలు చదివిన విషయం ఈ రచయితకు తెలుసును. ఈ రచయిత అభ్యర్ధన మేరకు నాటి ఆకాశవాణి (హైదరాబాద్) సీనియర్ ప్రోగ్రాం ఎగ్జిక్యూటివ్ శ్రీమతి సరోజా నిర్మల గారు మీనన్ గారి నవల ‘క్రతువు’ను నాటకీకరణం చేయించి సీరియల్‌గా ఆకాశవాణిలో ప్రసారం చేశారు. నాటకీకరణ చేసిందీ మామూలు వ్యక్తి కాదు. ఈ రచయితకూ మీనన్ గారికీ మంచి మిత్రుడాయన. ఆయనే ప్రముఖ రచయిత, బహుముఖ ప్రజ్ఞాశాలి శ్రీ జీడిగుంట రామచంద్రమూర్తి గారు. ఈ ఇద్దరికీ ఈ రచయిత ఎప్పుడూ రుణపడి వుంటాడు. ప్రముఖ అనువాదకులు శ్రీ జి. పరమేశ్వర్ గారు (2014) క్రతువు నవలను హిందీలోకి అనువదించారు.

మీనన్ గారి రెండవ నవల

క్రతువు – రేడియో నాటకం విషయంలో కొసమెరుపు ఏమిటంటే దానికి సంబందించిన రెమ్యునరేషన్ తాలూకు చెక్కు అందుకునేవరకు మీనన్ గారికి ఈ విషయం తెలియకపోవడం. రచయిత నుండి అభ్యంతరం ఉండదనే గట్టి నమ్మకం ఆకాశవాణి వారికి ఉండడం విశేషం. రంగుల నీడ అనే నవలను మీనన్ గారు ప్రఖ్యాత నవల రచయిత శ్రీ యండమూరి వీరేంద్రనాథ్ గారితో కలిసి రచించారు. ఇది కాక ప్రతిధ్వని, రాగతరంగాలు వంటి నవలలు రాశారు కానీ అవి పుస్తక రూపం దాల్చలేదు. ఇంతమాత్రమే కాకుండా మీనన్ గారు రేడియో కోసం కథలు రాశారు. కుటుంబ సంక్షేమంకు సంబంధించి ప్రత్యేకంగా జీడిగుంట రామచంద్ర మూర్తిగారు మీనన్ గారి చేత రేడియోకు కథలు రాయించే వారు. ఏ.జి. ఆఫీసునుండి పదవీ విరమణ చేసిన తర్వాత మీనన్ గారు రచనా వ్యాసంగం కుంటుపడింది. ఎందుకు రాయడం లేదని ఎవరైనా అడిగితే “ ఇప్పుడు యువ రచయితలు బాగా రాస్తున్నారు. మా లాంటివాళ్లు ఇక రాయక పోతేనే మంచిది” అనేవారు. కుటుంబ సమస్యలు కూడా తోడై ఆయన నిశ్శబ్దమై పోయారు, క్రమంగా ఆయన కలం ఆగిపోయింది.

మీనన్ గారి క్రతువు హిందీ అనువాదం

మీనన్ గారు హైదరాబాద్ లోని, నానల్ నగర్ దగ్గర, కాకతీయ నగర్ లో స్థిరపడ్డారు. వారి శ్రీమతి హైదరాబాద్ వాటర్ వర్క్స్ విభాగంలో సివిల్ ఇంజనీరుగా పదవీ విరమణ చేశారు. వారికి ఇద్దరు సంతానం. అమ్మాయి డా. అపర్ణ, కంటి వైద్య నిపుణురాలు, కుమారుడు బాల వంశీకృష్ణ ఇంజనీరు. కొంతకాలం విదేశాల్లో పనిచేసి ఇప్పుడు హైదరాబాద్ లో స్థిరపడినాడు.

కె. కె. మీనన్ దంపతులు

కొడుకు, కోడలు, మనవడితో శ్రీ మీనన్ దంపతులు

అక్కా తమ్ముళ్లు ఇద్దరూ,వేరువేరు చోట ఇల్లుకట్టుకుని స్థిరపడినవారు. మీనన్ గారి వారసత్వ సంపదగా సాహిత్యాన్ని ఇద్దరూ అందుకోలేకపోయినారు. అందుచేతనే మీనన్ గారు సేకరించిన పుస్తకాలన్నీ సుందరయ్య విజ్ఞాన కేంద్రానికి విరాళంగా ఇవ్వబడ్డాయి. ఒక రకంగా ఇది మంచి పనే! ఎందరికో ఎన్నో రకాలుగా సహాయ సహకారాలు అందించిన మీనన్ గారు కోలుకోలేంతగా అనారోగ్యానికి గురయ్యారు. దీనికితోడు కుటుంబ సభ్యుల నిర్ణయం మేరకు ఆయన చివరి రోజులు వృద్ధాశ్రమంలో గడపవలసి వచ్చింది. వృద్ధాశ్రమంలో మీనన్ గారిని ఎక్కువసార్లు కలుసుకుని ఆయనతో గడిపింది శ్రీ శీలా వీర్రాజు గారే!

రచయిత కుమారుడు రాహుల్ తో మీనన్ గారు

పెద్ద చెల్లెలు మహానీయమ్మ,,రచయిత, పెద్ద తమ్ముడు డా. మధుసూదన్, పిన్ని కొడుకు ఆశీర్వాదంతో మీనన్ గారు

మీనన్ గారికి ఇద్దరు చెల్లెళ్లు, ఇద్దరు తమ్ముళ్లు వున్నారు. ప్రస్తుతం ఇద్దరు తమ్ముళ్లు మాత్రం మిగిలివున్నారు. ఈ వ్యాస రచయిత మీనన్ గారికి చిన్ని తమ్ముడు. తమ్ముడికి పునర్జన్మ ప్రసాదించిన మహానుభావుడు ఆయన. మీనన్ గారికి తమ్ముడిని కావడం నా అదృష్టమే! అంతటి పుణ్యమూర్తి ఇక సెలవంటూ ఆగష్టు 1,2012లో కనిపించని అనంతలోకాలకు తరలిపోయారు. వందేళ్ల తెలుగు కథా చరిత్రలో మీనన్ గారు కూడా భాగస్వామి కావడం ‘ తెలుగు కథ’ చేసుకున్న పుణ్యమే!

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

Tags: K. L. V. Prasad Maa Anna Menon Malayaalee Kaadu Sanchika special essay telugu magazine telugu online magazine telugu sahityam telugu web magazine telugu-online-magazine telugu-webs-magazine కె. ఎల్. వి. ప్రసాద్ప్రత్యేక వ్యాసం మా అన్న మీనన్ మలయాళీ కాదు

1

డా.కె.ఎల్.వి.ప్రసాద్
August 1, 2021 at 8:20 am
సార్… ఒక విశిష్ట రచయిత జీవితాన్ని ఆసక్తికరంగా ఆవిష్కరించి నాలాంటి వారికి
చాలా ఆనందాన్ని కలిగించారు
మీ శైలీ, శిల్ప విన్యాసం కడు ప్రశంసనీయం 👏👏👏👏👏👏కోరాడ.

Reply
1. 1.1
  
  డా.కె.ఎల్.వి.ప్రసాద్
  August 1, 2021 at 8:21 am
  మీ స్పందన కు ధన్యవాదాలండీ.
  
  Reply
2. 1.2
  
  Sagar
  August 1, 2021 at 10:00 am
  మా తరానికి తెలియని మీనన్ గారి విషయం తెలుసుకోవడం ఆనందంగా ఉంది సర్ . ఆయన వాలసత్వ సంపద విఙ్ఞాన కేంద్రంలో నలుగురికి ఉపయోగపడాలని కోరుకుంటూ మీకు అభినందనలు మరియు ధన్యవాదములు.
  
  Reply
  1. 1.2.1
    
    డా.కె.ఎల్.వి.ప్రసాద్
    August 1, 2021 at 10:27 pm
    సాగర్
    నీ స్పందన కు ధన్యవాదాలు
    
    Reply
2

డా.కె.ఎల్.వి.ప్రసాద్
August 1, 2021 at 8:43 am
Gd mng doctor garu,
Its 10th year exactly Sri Menon garu left us. Still the memories are very fresh in your heart. A great personality. My pranamam to late Menon garikilife 🙏
I am puzzled why his end was not plesent. Why was he in the home for the aged at his last stage of his glorious life.
—-suryanarayana rao
Hyderabad.

Reply
1. 2.1
  
  డా.కె.ఎల్.వి.ప్రసాద్
  August 1, 2021 at 8:43 am
  Thank you so much sir.
  
  Reply
3

డా.కె.ఎల్.వి.ప్రసాద్
August 1, 2021 at 10:43 am
Maa sister ku 75 lo madras సంబంధం వచ్చింది abbayi peru శ్రీనివాసన్ ani vammo tamilion anukunnamu pakka telugu vadani కాకినాడ నుండి velli akkada sthirapaddarani తెలుసుకొని pelli chesam Sri మీనన్ గారి అనుభవం ardamyindi
—డా.అంజనీదేవి
హన్మకొండ.

Reply
1. 3.1
  
  డా.కె.ఎల్.వి.ప్రసాద్
  August 1, 2021 at 10:44 am
  మీ స్పందన కు ధన్యవాదాలండీ
  మేడం గారూ.
  
  Reply
4

Shyam
August 1, 2021 at 10:53 am
అసలు కేకే menon. అన్న పేరు వినగానే ఎవరికైనా స్ఫురించేది వీరు ఎవరో కేరళకు చెందిన వ్యక్తి అని భావమే. Sri M. K. కృష్ణ మూర్తి అని పేరు పెట్టి వుంటే పక్కా తెలుగు వారు అని తెలిసి వుండేది.
సాహిత్యంలో ఎనలేని కృషి చేసి ఎన్నో పుస్తకాలు రచించిన కేకే మీనన్ గారు అభినందనీయులు. చిన్నపాటి ప్రభుత్వ ఉద్యోగంలో చేరినప్పటి కి కూడా తనకున్న కళను అభివృద్ధి చేసుకోవడం అన్నది చాలా గొప్ప విషయం. కేకే మీనన్ గారు సేకరించిన పుస్తకాలన్నిటినీ లైబ్రేరి కు ఇవ్వడం అన్నది అందరూ చేసే పని కాదు . మరి ఇంకా ఎక్కడ నేను వినలేదు. తెలుగు భాషకు దాని సాహిత్యానికి సేవలు చేస్తున్న వారు ఎందరో మహానుభావుల గురించి మనకు తెలియ పరిచిన రచయిత శ్రీ డాక్టర్ కానీటీ లక్ష్మి వరప్రసాద్ గారికి నా యొక్క అభినందనలు తను చెప్పిన మాట గా కేకే మీనన్ సహోదరుడు గా పుట్టడం ఆయన చేసుకున్న అదృష్టమే.

Reply
1. 4.1
  
  డా.కె.ఎల్.వి.ప్రసాద్
  August 1, 2021 at 12:17 pm
  ధన్యవాదాలు
  శ్యామ్.
  
  Reply
5

Bhujanga rao
August 1, 2021 at 11:38 am
ఈ ఎపిసోడ్ ఆసాంతం మీనన్ గారి బాల్యం నుండి ఇప్పటి తరానికి తెలియని విషయాలెన్నో తెలుసుకున్నందుకు చాలా సంతోషంగా ఉంది.వారి జీవితంలో ప్రతి నిముషం విలువైనదిగా గుర్తించి ఎన్నో సవాళ్ళను అధిగమించి, ఆశల కోసం కాదు ఆశయాలకోసం ముందుకు నడుస్తూ,ఒక మంచి రచయితగా ఎన్నో విజయాలను సాధించి నేటి తరానికి మార్గదర్శకులై, రేపటి తరానికి వెలుగు దీపాలై సాగిన ఆ మహానుభావుని జీవిత విషయాలను తెలియ పర్చిన మీకు ధన్యవాదములు సర్.మీనన్ గారు సేకరించిన పుస్తకాలన్నింటిని విజ్ఞాన కేంద్రానికి విరాళంగా ఇవ్వడం వారి గొప్ప తనానికి నిదర్శనం. చివరికి వారి ఆరోగ్యం క్షీణించడం, చివరి రోజులు వృధాశ్రమంలో గడపవల్సి రావడం చాలా బాధాకరం.నమస్కారములు డాక్టర్ గారు

Reply
1. 5.1
  
  డా.కె.ఎల్.వి.ప్రసాద్
  August 1, 2021 at 12:17 pm
  ధన్యవాదాలండీ
  
  Reply
6

డా.కె.ఎల్.వి.ప్రసాద్
August 1, 2021 at 12:07 pm
హృదయం ఆర్డ్రం అయిపోయింది మీరు ప్రతి జ్ఞాపకం తలచుకోవడం నిజంగా మీ స హృదయానికి నిదర్శనం ఆయన ని నేనుకూడ చూసాను అని అనందపడుతున్నాను
—విజయలక్ష్మి. కస్తూరి
హైదరాబాద్.

Reply
1. 6.1
  
  డా.కె.ఎల్.వి.ప్రసాద్
  August 1, 2021 at 12:07 pm
  ధన్యవాదాలండీ.
  
  Reply
7

డా.కె.ఎల్.వి.ప్రసాద్
August 1, 2021 at 12:15 pm
సార్ నమస్కారం🙏
మీ జీవితానికి ఒక మార్గ నిర్దేశం చేసిన, మీకు పితృ సమానులైన మీ అన్నయ్య స్వర్గీయ మీనన్ గారికి వారి వర్ధంతి సందర్భంగా మొదటిగా నా వినమ్ర పూర్వక శ్రద్ధాంజలి🙏🙏🙏
వారిని గురించిన విశేషాలను చాలా గొప్పగా వివరించారు.
——బి.రామకృష్ణా రెడ్డి
సికింద్రాబాద్.

Reply
1. 7.1
  
  డా.కె.ఎల్.వి.ప్రసాద్
  August 1, 2021 at 12:15 pm
  ధన్యవాదాలండీ.
  
  Reply
8

డా.కె.ఎల్.వి.ప్రసాద్
August 1, 2021 at 12:21 pm
వావ్వ్! అద్భుతంగా చెప్పారు సర్! అభినందనలు.

—-శీరంశెట్టి కాన్తారావు
. పాల్వంచ.

Reply
1. 8.1
  
  డా.కె.ఎల్.వి.ప్రసాద్
  August 1, 2021 at 12:22 pm
  ధన్యవాదాలండీ.
  
  Reply
9

డి.వి.శేషాచార్య
August 1, 2021 at 1:48 pm
మీనన్ గారి గూర్చి చాలా మందికి తెలియని అనేక విషయాలను తెలియజేసారు. ధన్యవాదములు.

Reply
1. 9.1
  
  డా.కె.ఎల్.వి.ప్రసాద్
  August 1, 2021 at 10:28 pm
  మిత్రమా
  ధన్యవాదాలు.
  
  Reply
10

Rajendra+Prasad
August 1, 2021 at 8:37 pm
Looks literature is your family blood Very happy to know excellent person like Mr. Menon.
– Rajendra Prasad

Reply
1. 10.1
  
  డా.కె.ఎల్.వి.ప్రసాద్
  August 1, 2021 at 10:29 pm
  Thank you.
  
  Reply
11

డా.కె.ఎల్.వి.ప్రసాద్
August 2, 2021 at 8:45 am
Story is very nice Shraddanjali to your brother menon garu 🙏
—-Dr.venkteswarlu
Kazipet

Reply
1. 11.1
  
  డా.కె.ఎల్.వి.ప్రసాద్
  August 2, 2021 at 8:46 am
  Thank you.
  
  Reply
12

డా.కె.ఎల్.వి.ప్రసాద్
August 2, 2021 at 9:03 am
🙏🌺🙏
Congrats Dr sab..excellent write up..it reminded me 25years nostalgic memories…when you first time came to me at AIR quarters and gave books to write article on Meenon garu..(idi streeking kaadu)after published you also told that Meenon garu appreciated my article..
Thq.
Regards
🙏voddiraju Rama Rao
Hyderabad.

Reply
1. 12.1
  
  డా.కె.ఎల్.వి.ప్రసాద్
  August 2, 2021 at 9:04 am
  Thank you
  Ramarao Garu.
  
  Reply
13

డా.కె.ఎల్.వి.ప్రసాద్
August 2, 2021 at 10:17 am
Well writte up pedananna… I come to know many and learned a lot of things. I want to get and read all our writings
TBG. THILAK.KANETY
HYDERABAD.

Reply
1. 13.1
  
  డా.కె.ఎల్.వి.ప్రసాద్
  August 2, 2021 at 10:17 am
  Thank you ra…
  
  Reply
14

డా.కె.ఎల్.వి.ప్రసాద్
August 2, 2021 at 8:46 pm
The way you you have expressed your gratitude about annayya and his grace greatness and achievements in sahityam are very important to know by all ..specially this generation..I don’t understand how far it is possible by the way . Many people don’t know about him may be because of the name heard as Menon.Its really emotional..best narration about annayya Menon garu.a great tribute. 💐💐👏
Dr.Jhansi Nirmala
Canada(Hyderabad)

Reply
1. 14.1
  
  డా.కె.ఎల్.వి.ప్రసాద్
  August 2, 2021 at 8:47 pm
  Thank you
  Amma.
  
  Reply
15

Sambasiva+Rao+Thota
August 2, 2021 at 9:16 pm
Prasad Garu!
Goppa Rachayitha Meenon gaari gurinchi chaalaa chakkagaa vivarinchaaru…
Dhanyavaadaalandi 🙏

Reply
1. 15.1
  
  డా.కె.ఎల్.వి.ప్రసాద్
  August 2, 2021 at 9:55 pm
  Thank you
  Rao garu
  
  Reply
16

ఎన్.వి.ఎన్.చారి
August 3, 2021 at 6:29 am
డా.కేఎల్ వి గారి కలంలో విషయాన్ని పాఠకజనామోదంగా చెప్పగల శక్తి ఉంది.పేరులో ఏముందంటే పేరులో “నేముంది”. సంఖ్యాశాస్త్రం ఉపకరించే ఆ నేమ్ ఫేమ్ అవుతుందని సంఖ్యా వాదుల నమ్మకం . పేరునుబట్టి ప్రాంతాన్ని నిర్దేశించలేని అత్యున్నత వ్యక్తులలో మీనన్ గారొకరు
ఒకచట్రంలో ఇమిడ్చలేని రచయితగా ఆదర్శప్రాయమైన రచయిత . తన పేరుకంటే రచనలే
సమాజంలో నిలవాలనుకున్న ఉదాత్తుడు ఆయన జీవిత చక్రంలోని రేఖామాత్ర.పదనిసలను పంచిన మీకు ధన్యతలు
‘జయంతితే సుకృతి నోరససిద్ధా: కవీశ్వరా:
నాస్తిమేషాం యశ: కాయే జరామరణజం భయమ్‌.
భావం
సిద్ధౌషధ సేవవల్ల ముసలితనాన్ని – మరణాన్ని సైతం అతిక్రమించవచ్చు ! అయితే – అది ఇట్టి ఔషధం యోగులకు మాత్రమే అందుబాటులో ఉండి, వారే సేవించగలుగుతారు. విద్వాంసులైన వారికి ‘ కీర్తి ‘ రూపంలో మరణానంతరం కూడ జీవం ఉండి, సిద్ధౌషధంలా వార్ని జీవింపచేస్తుంది. ఇటువంటి ధన్య జీవులు ఎవరు ? కవులు,పండితులు,రచయితలు వీరు సద్ధౌషధం సేవించిన యోగులవంటివారు.
ఆ కవులకు – పండితులకు అంతటి ఘనకీర్తి ఎలా లభిస్తుంది ? ఆయా రసాలకు అనుగుణంగా, ఆ నవరసాలకు తమకావ్యాలలో సిద్దింపచేయడం ద్వారా. ఇంతటి ఘనులైన కవులు,పండితులు రచయితల మైత్రిని పొందగలగడం సైద్ధౌషధంతో సమానం కదా

Reply
1. 16.1
  
  డా.కె.ఎల్.వి.ప్రసాద్
  August 3, 2021 at 8:56 am
  చారిగారూ
  మీ విశ్లేషణ బాగుంది
  మీ స్పందనకు ధన్యవాదాలు.
  
  Reply
17

డా.కె.ఎల్.వి.ప్రసాద్
August 3, 2021 at 10:30 am
Very nice Babai
నేను కూడా రెండు మూడు సార్లు కలిసాను ఆఖరి రోజులలో,
చాలా బాధాకరం.
మా ఇంటి దగ్గరగానే
—–మోహన్. వేడంగి
హైదరాబాదు

Reply
1. 17.1
  
  డా.కె.ఎల్.వి.ప్రసాద్
  August 3, 2021 at 10:31 am
  Mohan
  Thank you.
  
  Reply
18

Mahesh
August 3, 2021 at 3:35 pm
Thank you for sharing great memories of your brother and great Telugu writer Sri Menon garu. You should be proud of yourself.
Mahesh

Reply
1. 18.1
  
  డా కె.ఎల్.వి.ప్రసాద్
  August 3, 2021 at 8:50 pm
  Thank you mahesh
  For your comment.
  
  Reply
19

Naccaw Sudhacaraw Rau
August 6, 2021 at 11:15 pm
Good evening sir, you say it is an essay but in reality it is his biography in nutshell. His literary talent and contributions and journey is inspirational. The lasting literary bonds with the heavy weights of his times speak for his place and popularity. His humbleness in avoiding publicity is rare amongst the literary personalities. His last days at old age home is most unfortunate…. though it was his choice. Thank you Dr ji, for a wonderful biographical information about the writer cum your brother kk Menon.

Menons like KK Menon- Defence Minister-,VK Menon who played a significant role in the integration of the states …and writer kaneti krishna Menon…are historical personalities….
Naccaw Sudhacaraw Rau
Program Executive.
AIR, Hyderabad.

Reply
1. 19.1
  
  డా కె.ఎల్.వి.ప్రసాద్
  August 7, 2021 at 6:08 am
  Thank you somuch
  Sudhakar garu
  For your valuable
  Analysis.
  
  Reply
20

S. Muntazbegum
October 18, 2024 at 7:03 pm
సర్!
చక్కని రచనా శైలితో ఒక గొప్ప రచయిత k k మీనన్ గారి గురించి తెలుసుకొనే అవకాశాన్ని మాకు కల్పించారు.
హృదయ పూర్వక ధన్యవాదములు మీకు 🙏💐

Reply