రంగుల హేల 67: సోలో డేటింగ్

[సంచిక మాసపత్రికలో ప్రముఖ రచయిత్రి శ్రీమతి అల్లూరి గౌరీలక్ష్మి గారు అందిస్తున్న కాలమ్ ‘రంగుల హేల’.]

సోలో డేటింగ్

సోలో డేటింగ్ అంటే మనతో మనం చేసే అందమైన ప్రయాణం. మనతో మనం గడపటం, మనల్ని మనం తెలుసుకోవడం అనేది మనోహరమైన భావన. ఇది స్వీయానుబంధం. ఒంటరిగా సినిమా చూడడం, పార్క్‌కి వెళ్ళడం, హోటల్‌కి వెళ్లి లంచ్ చేయడం లాంటివి. ఏదైనా మంచి పుస్తకం గార్డెన్‌లో గానీ, మేడపై గానీ కూర్చుని చదవడం కూడా! ఇంట్లో వాళ్ళు ఏ విధంగానూ ఇన్‌ఫ్లుయెన్స్ చేయకుండా మనసుకు నచ్చిన పనులన్నమాట. సాధారణంగా మనకున్న బాధ్యతలు, ఒత్తిడి మధ్య మనల్ని మనం మర్చిపోతుంటాం. ఇలా డేటింగ్‌కి వెళ్లడం వల్ల మన ఆలోచనలను స్పష్టంగా అర్థం చేసుకోగలుగుతాం తద్వారా స్వీయప్రేమ పెరిగి మానసిక ప్రశాంతత దొరుకుతుంది.

సోలో డేటింగ్ అంటూ ఆడవాళ్ళు ఇంట్లో ఒంటరిగా ఉంటే, ఇల్లు అమాంతం మనల్ని దినసరి కూలీగా మార్చేస్తుంది. వస్తువులన్నీ మన చుట్టూ చేరి సర్దమని వెంటపడతాయి. ఇల్లు అందంగా ఉంటుంది అన్న ఆశ కల్పించి, మనల్ని వశం చేసుకొని మన వంటిని హూనం చేస్తాయా వస్తువులు. దాంతో అలసట పెరిగి ఉన్న బుర్ర కూడా పనిచేయడం మానేసి, టీవీకి అడ్డం పడి, ఏ పిచ్చి సినిమా బారినో పడి సమయం మరింత వృథా అవుతుంది తప్ప, మనసుకు ఉత్సాహం, తేలికతనం, ధైర్యం రావు సరికదా ఇంకొంచెం ముడుచుకుపోతాం లోలోపలికి ఆ టీవీ దయ వల్ల.

సోలో డేటింగ్‌లో మన సమక్షంలో మనమే ఉంటాం. అప్పుడు మనసు పొరల్లోని దుఃఖాలు, ఆవేదనలు, సంతృప్తులు, సంతోషాలు అన్నిటిని ఒకసారి తడిమి చూసుకోవచ్చు. మన ఆనందం కోసం ఇతరులను సంతోషపెట్టి తిరిగి దాన్ని రాబట్టుకోవడం అనేది గ్యారంటీ లేని ప్రాజెక్ట్. ఇది అలాంటిది కాదు. కాఫీ కప్పు తీసుకొని వరండాలో తిరగండి. ఏమైనా కవితల్లాంటివి, అనుభూతుల్లాంటివి మనసుకు తోస్తే కాగితంపై రాసుకోండి. అందుకోసం మీరు కవి కానక్కర్లేదు. ఆ రాతలు మీలోని స్ట్రెస్‌ని తగ్గించి, స్వయం విశ్వాసాన్ని పెంచుతాయి. నచ్చిన పాత పుస్తకం ఎటువంటి ఆటంకం లేకుండా మళ్ళీ చదువుకోండి. మనసు కోరిన పాటలు టీవీలో చూసుకోండి, మొబైల్‌లో వినండి. అప్పుడు ఒక గొప్ప అనుభూతి మిగులుతుంది. అతి ఆలోచనలు, వన్ సైడ్ కోపాలు తగ్గిపోయి ఎమోషనల్ ఇండిపెండెన్స్ వస్తుంది. ఈ ప్రపంచంలో అన్నిటికన్నా మనమే ఒక అద్భుతమైన దేవుని క్రియేషన్!

ఇంకో ఐడియా! మనం ఎంత కాలంగానో చూడదలుచుకున్న ముఖ్యమైన ప్రదేశాలకి ఒంటరిగా వెళ్లడం మంచిది. ఒక పెద్ద బృందంతో గానీ, బంధువులతో గానీ వెళితే అక్కడ ఆ ప్రదేశాల్ని కానీ, ఆ కట్టడాలను కానీ నిశితంగా పరిశీలించడానికి వీలు కాదు. అక్కడ అందరూ కలిసి నవ్వుకుంటూ, జోకులేసుకుంటూ, కబుర్లు చెప్పుకుంటూ ఉండిపోతాం. ఒకరికొకరు ఫొటోలు తీసుకుంటూ ఆ ప్రదేశం యొక్క ప్రత్యేకతను పూర్తిగా ఆస్వాదించలేం. మనం భావుకులమైతే ఒంటరిగా అక్కడ వాటిని చూడడం వల్ల కలిగే తాదాత్మ్యం, థ్రిల్ పోగొట్టుకుంటాం. ఒకసారి నేను ఢిల్లీలో బయలుదేరి ఒక ట్రావెల్ బస్సులో ఆగ్రా వెళ్ళాను. యమునా నది ఒడ్డున ఉన్న ప్రపంచ వింతలలో ఒకటైన తాజ్ మహల్ ముందు నిలబడ్డాను. ఆ పాలరాతి మందిరం అందానికి, వైభవానికి ఆశ్చర్యంతో, ఆనందంతో ఉక్కిరిబిక్కిరి ఐపోయాను. తట్టుకోలేక ఏడ్చేసాను. చాలా సేపటికి తెప్పరిల్లాను. మరికొంతమందితో కలిసి వెళ్లి ఉంటే ఆ సంభ్రమాన్ని మిస్ ఐపోయేదాన్నే! అలాగే హంపి విజయనగరం వెళ్ళినప్పుడు అక్కడ ఉండే రాణుల నివాసమహల్స్ ఒంటరిగా చూస్తుంటే ఎప్పుడో అక్కడికి వచ్చినట్టు, ఆ రాణుల మనోభావాలు నాకు తెలిసినట్టు అనిపించింది. మరో రాణీ మహల్‌కి వెళ్ళినప్పుడు, మరింత మమేకమై పోయి నేనే ఏదో జన్మలో ఇక్కడ బతికిన రాణినేమో! అన్న ఫీల్ కూడా వచ్చేసింది. అదో తియ్యని అనుభవం.

ఏకాంతం వేరు, ఒంటరితనం వేరు. ఏకాంతం మనోవికాసానికి రహదారి. సోలో డేటింగ్‌లో మనతో మనం విలువైన సమయాన్ని గడపొచ్చు. ఇది మనకి మనపై గౌరవాన్ని పెంచుతుంది. ప్రతి చిన్న సంఘటనకీ తత్తరపడకుండా నిదానంగా నిర్ణయం తీసుకోగలుగుతాం. సమస్యకి మూలాన్ని, పరిష్కారాన్ని కనుక్కునే దిశగా మనసు దారితీస్తుంది. ఏదో తెలియని ఒత్తిడి నుండి విముక్తులం అవుతాం. ఎవరి ప్రెషర్ లేకుండా, మొహమాటం లేకుండా మనకు నచ్చిన పని చేసుకుంటూ ఉంటే మనసు విశ్రాంతి తీసుకుంటూ ఉంటుంది. మనల్ని మనం పరిశీలించుకుని మన ప్రవర్తనలోని తప్పొప్పుల్ని బేరీజు వేసుకోవడానికి ఏకాంతం మంచి మార్గం. మనం ఎక్కడ ఇంకొంచెం బాగా నడుచుకోవాల్సిందీ అన్నది అర్థమవుతుంది. మనల్ని మనం ఉన్నతీకరించుకోవచ్చు. తద్వారా ఆత్మవిశ్వాసం పెరుగుతుంది. ఎమోషనల్‌గా ఎవరి ముందో బయటపడి వారి సానుభూతిని కోరవలసిన ఆవశ్యకత తగ్గుతుంది. అసలు క్లిష్ట పరిస్థితుల్లో నిమ్మళంగా కూర్చుని ఆలోచించుకుంటే కొన్ని సమస్యలకు పరిష్కారం మనకే తెలిసిపోతుంది.

మన చుట్టూ ఉన్న లెక్కలేనంత మందితో మనం ప్రేమభావనతో ఉంటూ మనల్ని మనం నిర్లక్ష్యం చేస్తుంటాం.అలా చేయడం వల్ల చాలా నష్టపోతాం. మీరొక అపురూపమైన వ్యక్తి. ఇప్పుడైనా మీ ఘనతను గుర్తించండి. లేకపోతే జీవితంలో ఒక ప్రత్యేకమైన లక్షణాలు, మంచి వ్యక్తిత్వం ఉన్న ఒక గొప్ప మనిషిని మిస్ అవుతారు. మీరు నాలుగు వైపులా ఉన్న నలుగురి లోని గొప్పతనాన్ని గుర్తిస్తూ అభిమానిస్తూ ఉంటారు.అది కాస్త పక్కన పెట్టి, మన విశిష్టతను గమనించి మనల్ని మనం అభిమానించుకుందాం. చిన్నప్పటినుండీ ఎదుగుతూ వచ్చిన క్రమంలో ఎన్ని మంచి లక్షణాలను అలవర్చుకున్నామో అది ఎదుటివారికి ఎంత కంఫర్ట్ ఇచ్చిందో గుర్తుచేసుకుందాం. మన గురించి నాలుగు మంచి మాటలు మిత్రులు చెప్పినప్పుడు మొహమాట పడకుండా విని గర్వపడదాం.

ఆత్మస్థైర్యం పెరగడానికి మనల్ని మనం బేరీజు వేసుకోవడానికి ఏకాంతం ఉపయోగపడుతుంది. మనల్ని మనం అభిమానించుకుంటూ ఉండాలి. ఇప్పటివరకూ మన కోరికలనన్నిటినీ త్యాగం చేసి, పక్కకు పెట్టి నిర్దాక్షిణ్యంగా నిర్లక్ష్యం చేసాం. మన ఇష్టానికి గుర్తింపు ఇచ్చుకుంటూ ఇకనైనా మన ప్రవర్తనను దిద్దుకుందాం! చలో! పదండి! మనతో మనం డేటింగ్ చేద్దాం. ఎదమరిగే సొదలేవో విప్పుకుని చూసుకుందాం. ఆ సంతృప్తితో తిరిగి వచ్చాక మన బంధుమిత్రగణానంతా మరింత ప్రేమిద్దాం!

మనకంటే పెద్దవాళ్ళు ఎవరో కనబడి, “చిన్నప్పుడు ఆ స్వీట్ చాలా ఇష్టంగా తినేదానివి, ఇప్పుడు తింటున్నావా?” అన్నప్పుడు మన కళ్ళలో నీళ్లు తిరుగుతాయి. ఎందుకంటే ఆ విషయం మనం మర్చిపోయుంటాం. ఎంత సేపూ ఈ వంట చేస్తే ఇంట్లో అందరికీ నచ్చుతుందా? అనేదే ఆలోచిస్తూ ఉంటాం గానీ వాళ్ళెవరికీ ఇష్టం లేకపోయినా, నాకిష్టమైనది కూడా ఒకటి చేసుకోవచ్చు కదా అని ఆలోచన రాదెప్పుడూ! అలాగే మన కుటుంబాల్లో మగవాళ్ళు పండగలకి అందరికీ బట్టలు కొని వాళ్ళకోసం వాళ్ళు కొనుక్కోరు, ఎవరో బలవంతం చేస్తే తప్ప. వాళ్ళు కూడా అప్పుడప్పుడూ వెతికి వెతికి మంచి బట్టలు కొనుక్కోవాలి, అది జీవితానందాన్ని పెంచుకునే మార్గం కూడా!

చిన్నప్పటినుంచీ మనం పుట్టి పెరిగిన ఫ్యామిలీతో ఉంటాం. తర్వాత మనకంటూ ఒక ఫ్యామిలీ ఏర్పడుతుంది, ఈ బంధాలతోనే మునిగి తేలుతూ ఉంటాం. అప్పుడప్పుడూ ఇలా మనం మనతో గడపాలి. మనల్ని మనం ముద్దు చేసుకోవాలి. గెస్ట్‌గా భావించి మర్యాద చూపించాలి. Self-care is not selfishness. అలాగే మన ఆరోగ్యాన్ని మనమే పట్టించుకోవాలి. మన ఆత్మసంతృప్తి కోసం మనలోకి మనం చూసుకుంటూ ఉండాలి. ఏకాంతంగా ఉన్నాం కదా అని ఆత్మ పరిశీలన – అంతర్వాణి అంటూ ఆదర్శాలకు పోయి, గాంధీగారిలా మరో చెంప చూపే పనులు చేస్తే ఎదుటివాడు మనలో తప్పు ఉందని నిర్ధారించుకోగలడు. సున్నితత్వం పాళ్లు ఎక్కువై మనల్ని ఎవరైనా ఓ మాట అన్నా మనమే బాధపడి, తిరిగి జవాబు ఇచ్చినందుకు కూడా మనమే బాధపడే పిచ్చివాళ్ళం అయ్యాం ఇంతవరకూ! ఇక చాలు. సకారణంగానే రిప్లై లేదా రిటార్ట్ ఇచ్చామని నిబ్బరంగా ఉందాం. అతిగా ఆలోచించి వివరణ ఇచ్చేపని పెట్టుకుంటే మన ఆత్మవిశ్వాసం కాస్తా పోగలదు జాగ్రత్త! మన ఆత్మగౌరవం నిలుపుకునే బాధ్యత కూడా మనదే, మర్చిపోవద్దు!

అల్లూరి గౌరీ లక్ష్మి

అల్లూరి గౌరీలక్ష్మి కథా, నవలా రచయిత్రిగా చక్కని పేరు సంపాదించారు. ఈమె మంచి కవయిత్రి, ఫెయిర్ కాలమిస్ట్ కూడా. నాలుగు కథా సంపుటాలూ, 4 నవలలూ, 3 కవిత్వ సంకలనాలూ, రెండు కాలమ్స్ బుక్ వెలువరించారు.
APIIC Ltd. లో General Manager గా పనిచేసి పదవీ విరమణ పొందారు.

Tags: సంచిక సోలో డేటింగ్అల్లూరి గౌరీలక్ష్మి రంగుల హేల Alluri Gaurilakshmi alluri gourilakshmi Column rangula hela Sanchika Solo Dating telugu magazine telugu online magazine telugu online magazines telugu sahityam telugu web magazine telugu-online-magazine telugu-webs-magazine

1

కొల్లూరి సోమ శంకర్
May 1, 2026 at 4:03 pm
ఇది మల్లిక్ గారి వ్యాఖ్య: *బావుంది గౌరీ మేడమ్..చాలా బావుంది. కచ్చితంగా ఆచరించ విషయం. సూపర్ అంటే సూపర్…👌👍😍 Mallik, Bapatla.*

Reply
2

కొల్లూరి సోమ శంకర్
May 1, 2026 at 4:04 pm
ఇది కనకదుర్గగారి వ్యాఖ్య: *ఏం రాసేవే బాబు. wonderful, excellent, soooooooper 👏 కనకదుర్గ,Vizag.*

Reply
3

కొల్లూరి సోమ శంకర్
May 1, 2026 at 4:04 pm
This is a comment by Mr. R.H.Rao: *Solitude is a foundation for personal growth, paving the way for self-care, self-love, self-respect,self-confidence, self-discovery, and self-talk and so on and rejuvenating experience of being alone with oneself.
Your column on Solo- dating is a wonderful reflection of it that takes your readers and fans, really, into that wonderful awe-inspiring state of Self-sculpture and Self-discovery..Your column is a masterpiece, blended with your own discovery and experiences of it.. Truely lovely.. – R.H.Rao, Hyd.*

Reply
4

కొల్లూరి సోమ శంకర్
May 1, 2026 at 4:04 pm
ఇది హిమబిందుగారి వ్యాఖ్య: *Self care undali definitely. హిమబిందు, USA.*

Reply
5

కొల్లూరి సోమ శంకర్
May 1, 2026 at 4:05 pm
ఇది డా. కె.ఎల్.వి. ప్రసాద్ గారి వ్యాఖ్య: *బాగుంది. ఒక కొత్త విషయం మీ ద్వారా తెలుసుకున్నాను. కానీ.. ఇది అంత సులభంగా సాధ్యం అయ్యే పనికాదని నా భావన. చేయగలిగినవారు అదృష్టవంతులు. మీకు అభినందనలు/కృతజ్ఞతలు.*

Reply
6

కొల్లూరి సోమ శంకర్
May 1, 2026 at 4:05 pm
ఇది జి.ఎస్. లక్ష్మి గారి స్పందన: *‘సోలో డేటింగ్‘ పేరు చాలా బాగుంది.
ఏకాంతానికి, ఒంటరితనానికీ మధ్య గల సన్నని రేఖను బాగా వివరించారు. అభినందనలు.*

Reply
7

కొల్లూరి సోమ శంకర్
May 1, 2026 at 4:05 pm
ఇది హేమ గారి స్పందన: *బాగా రాసారు గౌరీ గారూ.*

Reply
8

కొల్లూరి సోమ శంకర్
May 1, 2026 at 4:05 pm
ఇది ఇందిరా విశ్వనాథ్ గారి వ్యాఖ్య: *అందరికీ ఈ ఆలోచన అవసరం. భలే రాశారు. మీ రచనల్లో సహజత్వం సదా మాకు నచ్చే సుగుణం.*

Reply
9

కొల్లూరి సోమ శంకర్
May 1, 2026 at 4:05 pm
This is a comment by Mrs.Athaluri Vijayalakshmi: *Excellent.*

Reply
10

కొల్లూరి సోమ శంకర్
May 1, 2026 at 4:06 pm
ఇది బి.వి. భాస్కర రావు గారి స్పందన: *చాలా బాగా చెప్పారు బాగా వివరించారు. Keep it up.*

Reply
11

కొల్లూరి సోమ శంకర్
May 1, 2026 at 4:06 pm
This is a comment by Mr. MA Ramana: *Well written on solo dating. Best wishes 🍀🍀💯 *

Reply
12

కొల్లూరి సోమ శంకర్
May 1, 2026 at 4:06 pm
ఇది వేణు గారి వ్యాఖ్య: *ఆత్మ ఆనందపడిపోతుంది.. సోలో డేటింగ్‌తో. వేణు, గుంటూరు.*

Reply
13

కొల్లూరి సోమ శంకర్
May 1, 2026 at 4:44 pm
ఇది శైలజ గారి స్పందన:*చాలా బాగుంది అండీ. ఇప్పుడే నాకు సోలో డేట్‌కి వెళ్ళాలని అనిపిస్తోంది. Kudos అండీ.*

Reply
14

గోనుగుంట మురళీకృష్ణ
May 1, 2026 at 4:59 pm
సోలో డేటింగ్ లో మీరు చెప్పిన ఐడియాలు బాగున్నాయి….అనేక సమస్యలతో, పని వత్తిడితో విసిగిపోయినప్పుడు మాత్రమే సోలో డేటింగ్ రిలాక్స్ కలిగిస్తుంది…అదే పనిగా చేస్తూ పోతే మనిషి వంటరి అయిపోతాడు. బయట ప్రపంచంతో వేరై పోతాడు…….కానీ మానవుడు సంఘజీవి. నలుగురితో మాట్లాడుతూ కలసి మెలసి జీవించటం వలననే మనసు చురుకుగా అయి, వాస్తవ ప్రపంచంతో పాటు ప్రయాణించగలుగుతాడు..

Reply
15

కొల్లూరి సోమ శంకర్
May 2, 2026 at 9:36 pm
ఇది ఉషాలక్ష్మిగారి స్పందన: *శ్రీమతి అల్లూరి గౌరీ లక్ష్మీ గారు వ్రాసిన సోలో డేటింగ్ చదివాక నేను ఆత్మ పరిశీలన చేసుకుని కించిత్ బాధ పడ్డ మాట నిజం. self caring is not selfishness అన్న మాట అక్షరాల నిజం. భర్తకి పిల్లలకి బంధువులకు వాళ్లకు ఇష్టం అయినవి చేసి పెడుతూ మురిసిపోయాం కానీ ఇప్పుడు ఆలోచిస్తే చాలా కోల్పోయాము అనిపిస్తోంది. నిన్ను నువ్వు ప్రేమించుకో బ్లాగులు రాయి నీ అభిరుచులు నలుగురితో పంచుకో అని మా ఆనంద్ చెబుతూ ఉంటాడు. సంగీతం కూనిరాగాలు తీస్తుంటే మా స్వరూప్ యూట్యూబ్ ఛానల్ క్రియేట్ చేసుకో అంటాడు. ఒంటరితనం కాదు మనలోకి మనం చూసుకొని ఇన్నాళ్లు కోల్పోయినవి ఇకనైనా మొదలు పెడదాం.*

Reply
16

కొల్లూరి సోమ శంకర్
May 2, 2026 at 9:36 pm
ఇది జ్యోతిర్లతగారి వ్యాఖ్య: *చాలా చక్కగా రాశారు సోలో డేటింగ్. మనల్ని మనం తెలుసుకోవటం అన్న ఈ ప్రక్రియ ఇప్పటి మన ఆడవారికి చాలా అవసరం. జ్యోతిర్లత, కుకట్‍పల్లి.

Reply
17

కొల్లూరి సోమ శంకర్
May 2, 2026 at 9:36 pm
ఇది రాజేంద్ర ప్రసాద్ గారి వ్యాఖ్య: *👌👌💐💐Namaste గౌరీ లక్ష్మీ గారు, మీ ‘సోలో డేటింగ్’ చాలా బావుంది, ఇది అందరూ ఎక్స్‌పీరియన్స్ అవ్వాలి, మీరు ఏమి రాసినా అందులో ఏదో ఒక మెసేజ్ వుంటుంది, అందరినీ ఆలోచింపచేసే, ఆకట్టుకునే స్పెషల్ రచనా శైలి మీది.*

Reply
18

కొల్లూరి సోమ శంకర్
May 2, 2026 at 9:36 pm
ఇది శ్రీమతి షేక్ కాశింబి గారి వ్యాఖ్య: *సోలో డేటింగ్ ప్రతి మనిషికీ అవసరం..ఇదొక రిఫ్రెషింగ్ సెషన్ లాంటిది.. తాత్వికతతో మనలోకి ఒకసారి తొంగి చూసుకుంటేనే కదా స్పష్టత వచ్చేది… మీదైనా శైలితో మనసుల నాకార్షించేలా మంచి విషయాలను మా ముందుంచారు.. అభినందనలు.. 💐💐*

Reply
19

కొల్లూరి సోమ శంకర్
May 4, 2026 at 11:05 am
ఇది పుట్టి నాగలక్ష్మిగారి వ్యాఖ్య: *రచయిత్రి గౌరీలక్ష్మి గారి పరిచయం స్నేహంగా మారే క్రమంలో ‘సోలో డేటింగ్’ పేరు చెప్పలేదు. కానీ అందుకు సంబంధించిన పాఠాలెన్నో నేర్పిన గురువు. ఇప్పుడు ఈ ‘రంగులహేల’ లోని శీర్షికలో వారు ప్రస్తావించిన విషయాలు మనలోకి మనలని తీసుకెళ్ళడానికి, మనని గురించి మనం తెలుసుకోవడానికి, మన ఆత్మవిశ్వాసం, self respect ని పెంపొందించుకోవడానికి దోహదం చేస్తాయి. “So Solo -Dating So betteroo!”.*

Reply
20

కొల్లూరి సోమ శంకర్
May 5, 2026 at 8:31 pm
ఇది కె.ఎస్.ఎల్. కామేశ్వరి గారి వ్యాఖ్య: *బావుందండీ మీ కాలమ్. అభినందన.*

Reply
21

కొల్లూరి సోమ శంకర్
May 5, 2026 at 8:31 pm
ఇది వసంత లక్ష్మిగారి స్పందన: బాగా రాసారు గౌరీ! వసంత లక్ష్మి, US.*

Reply
22

కొల్లూరి సోమ శంకర్
June 7, 2026 at 6:02 pm
ఇది రఘురామశర్మ గారి స్పందన: *మీ ‘సోలో డేటింగ్’ వ్యాసం అపూర్వమైనది. వ్యాసంలో మీరు కనబరచిన అద్భుతమైన సృజనాత్మకత నన్ను ఆశ్చర్యానికి గురిచేసింది. 👌👌👏👏 👏👏👏👏👏 రఘురామ శర్మ, హైదర్‍నగర్.*

Reply