అమ్మ-మొగ్గలు-1

మనకు జన్మనిచ్చి తనకు పునర్జన్మనిచ్చుకుని
జీవానికి రూపాన్నిచ్చే అపురూప అనురాగ దేవత
నిత్యం కోవెలలో కొలిచే దైవం- అమ్మ

మనకళ్ళల్లో ఆనందం కోసం తనకళ్ళు కాయలుకాసేలా
మన కోసం నిరంతరం శ్రమించే శ్రమైక జీవి
ఎన్ని జన్మలెత్తిన ఋణం తీర్చుకోలేని అమృత మూర్తి -అమ్మ

మనకు ప్రేమానురాగాలు పంచి నిలువెత్తు మనిషిని చేసి
తను రోగిల బారిన పడినా చలించని సహనశీలి
గర్భగుడిలో నిత్యం వెలిగే దీపం – అమ్మ

మనం ఎంతఎత్తు ఎదిగిన చిన్నపిల్లలే అనుకుని
ఇంకా ఏదో చేయాలని పరితపించే త్యాగశీలి
కంటికి రెప్పలా కాపాడే ప్రేమ మూర్తి -అమ్మ

కయ్యూరు బాలసుబ్రమణ్యం