శ్రామిక చైతన్యం సజీవం

నడుస్తున్న ఆకాశంలో
కనిపించని అడుగులు
మారిన కాలంలో
ఓ దృశ్యం
కనుల ముందర నిలిచింది
శ్రమ రూపమై అందంగా

ఎప్పుడైనా ఎక్కడైనా
శ్రమకు గుర్తింపు చిహ్నం
దేహం కురిసిన వర్షమేగా
స్వేదం చేసే సంతకం అద్వితీయం

మనిషి తపనంతా
చేసే ప్రయాణంలో స్వేచ్ఛ కోసమే
మానవత్వపు చెట్టును
బతికించే దారిలో మలుపులు ఎన్నో
ఏవి మారినా
స్వేదం, రుధిరం రెండూ మారవెప్పుడూ
మన పద చిత్రమే మనకు ఊపిరి
అదే బతుకు అసలైన అస్తిత్వం

డా.టి.రాధాకృష్ణమాచార్యులు

డా.టి.రాధాకృష్ణమాచార్యులు సీనియర్ వైద్యులు, ప్రముఖ కవి,రచయిత, అనువాదకులు, సమీక్షకులు.
5 సంకలనాలు తెలుగు కవిత్వంలో 1999 నుండి కరీంనగర్ నుండి పబ్లిష్ చేశారు. నలిమెల భాస్కర్ ‘సాహితీ సుమాలు’ వివిధ భారతీయ భాషల్లోని సాహితీవేత్తల పరిచయ సంకలనాన్ని “The Speaking Roots” Title తో  ఆంగ్లంలోకి అనువాదం చేసినారు.