స్వాతి కవితలు-4- Why

ప్రేమించడం ఎలానో
నాకెందుకు నేర్పావూ?
ఆ ప్రేమను పొందడం ఎలానో కూడా
నేర్పాలి గదా మరీ.

నువ్వు చెప్పిన పాఠమే
ప్రశ్నగా మారితే –
ఏ దారీ తెలీని
బాటసారినైనా
గమ్యమే తెలియని
గమనాన్నైనా.

ఎన్ని ఎత్తుపల్లాలో
ఎన్ని ఎదురుదెబ్బలో –
అయినా
ప్రేమ దక్కదు
పయనమాగదు.

మళ్ళీ మరోసారి
ప్రేమించడం నేర్పుతావని
నీ కోసం –
వెతుకుతూనే వున్నా…
విరహమై నేనున్నా.

భువన చంద్ర

భువన చంద్ర సుప్రసిద్ధ సినీ గేయ రచయిత. కథకులు. పలు హిట్ పాటలు రచించారు. “భువనచంద్ర కథలు”, “వాళ్ళు” అనే పుస్తకాలు వెలువరించారు.