జ్ఞాపకాల పందిరి-147

జ్ఞాపకాల పందిరి-147

పాదచారుల పని అంతే..!!

సుఖం కోరుకునే మనిషి ‘నడక’ అంటే ఏమిటో మరచిపోతున్నాడు. డబ్బుంటే ఎలాంటి వాహనం అయినా కొనుక్కుని సుఖ ప్రయాణానికి అలవాటు పడుతున్నాడు. అయితే మనిషి నడక మరిచిపోతున్నా నడిచేవాళ్ల గురించి మరిచిపోకూడదు కదా! అప్పట్లో రోడ్లు సన్నగా ఉండేవి. వాహనాలు కూడా వాటికి తగ్గట్టుగానే ఉండేవి. కార్లు, బైక్‍లు బహు కొద్దిమందికి మాత్రమే ఉండేవి. రోడ్డుకు తగ్గట్టు పాదచారులకు ఫుట్‌పాత్‌లు ఉండేవి ఒకరి వల్ల మరొకరికి ఎలాంటి ఇబ్బంది ఉండేది కాదు. రోడ్డు దాటడానికి కూడా పెద్దగా ఇబ్బంది ఉండేది కాదు. కారణం బహుశః ఇన్ని రకాల వాహనాల హడావిడి అప్పుడు ఉండక పోవడమే కావచ్చు.

నా బాల్యంలో సైకిలు కొద్దిమంది దగ్గరే ఉండేది. అప్పుడు సైకిల్ ఉండడమే గొప్ప! సైకిలు గలవారిని గొప్పగా చూసేది. చిన్నప్పుడు నాకు సైకిలు లేకున్నా సైకిలు తొక్కడం నేర్చుకున్నా. మా నాయన కొబ్బరి తోటల మధ్య బీరకాయలు పండించేవారు, అవి కొనుక్కోవడానికి ఒక వ్యాపారి ఎక్కడినుంచో సైకిలు మీద వచ్చేవారు. ఆయనను ‘బీరకాయల కాపు’ అనేవాళ్ళం. సైకిలు స్టాండు వేసి ఆతను బీరకాయ పని చేసుకుంటుంటే, ఆ సైకిలుతో మొదట సైకిలు తొక్కడం నేర్చుకున్నాను. తర్వాత మా నాయన అవసరానికి కొనుక్కున్న సైకిలు అప్పుడప్పుడూ తొక్కేవాడిని కానీ, నాకంటూ ఒక సైకిలు కొనుక్కునే అవకాశం రాలేదు. మధ్య తరగతి కుటుంబాల పరిస్థితి ఇలానే ఉండేది. ముఖ్య అవసరాలకు మాత్రమే ప్రాధాన్యత నివ్వడం జరిగేది. తర్వాత మోపెడ్ల హవాతో ప్రయాణాలు సుఖవంతం కావడం మొదలుపెట్టాయి.

ఆ తర్వాత స్కూటర్లూ, బైకులు, కార్లు రంగప్రవేశం చేశాయి కదా! జనాల అవసరాల కోసం వాహనాలు, వాహనాల ప్రయాణానికి అవసరమైన రోడ్లు అవసరం అయ్యాయి. రోడ్లకు ప్రక్కన పాదచారులకు కాలిబాట (ఫుట్‌పాత్) కూడా రివాజు. ప్రధాన రహదారి వాహనాలకు కేటాయిస్తే, కాలిబాట, పాదచాచారుల కోసం నిర్దేశింపబడింది. క్రమంగా రోడ్లు వెడల్పు అయినాయి. దానికి అనుగుణంగా ఫుట్‌పాత్‍లు తయారైనాయి. దురదృష్టవశాత్తు ఈ ఫుట్‌పాత్‌లు చాలా చోట్ల పాదచారులకు దక్కకుండా పోతున్నాయి. కబ్జాదారుల చేతిలోకి వెళ్లి చిన్న చిన్న దుకాణాలతో, కాలిబాటలు పూర్తిగా దుకాణాలతో నిండి పోతున్నాయి. మరి ఎవరి కోసం అవి ఉద్దేశింపబడ్డాయో, వారి ఉపయోగానికి రాక ఇలా ఆక్రమణలు జరుగుతుంటే, ప్రభుత్వ యంత్రాంగం కిమ్మనకుండా చర్యలు తీసుకోకపోవడం అంటే అధికారికంగా వారికి అనుమతిని ఇచ్చినట్టా? లేదా రాజకీయ జోక్యమా? అర్థం కాదు.

పాదచారుల దారి ఆక్రమించుకోవడం వల్ల, దుకాణాల దగ్గర కొనుగోలుదారులు పార్కింగ్ చేసే వాహనాలు మరింత ఇబ్బందిని కలిగిస్తున్నాయి. రోడ్డు వెడల్పుగా ఉండడం వల్ల, వాహనదారులు వారి వాహనాలను అతివేగంగా నడపడం వల్ల పాదచారుల పరిస్థితి, ప్రమాద స్థితికి చేరుకుంటున్నది. ఈ విషయంలో, ప్రభుత్వాలు గానీ, మున్సిపాలిటీలు గానీ, పంచాయితీలు గానీ ఎలాంటి చర్యలూ తీసుకొనక పోవడం విడ్డూరం అనిపిస్తుంది. హైదరాబాద్, వరంగల్ వంటి పట్టణాలలో కూడా ఇలాంటి పరిస్థితులు నెలకొని ఉండడం ఆశ్చర్యం కలిగిస్తుంది.

హైదరాబాద్ వంటి మహానగరాలలో, ప్రతిచోటా వారంలో ఒకరోజు (ఉదాహరణకు సఫిల్‌గూడ) కూరగాయల సంత ఉంటుంది. నిజానికి ఇవి ఆయా ప్రాంత ప్రజలకు చాలా ఉపయోగకరమైనవే! తాజా కాయగూరలు ఆకుకూరలు, పండ్లు, కొంచెం తక్కువ ధరకు లభ్యం అవుతాయి. కానీ రోడ్డు ఇరువైపులా కూరగాయల వర్తకులతో నిండి వాహనాలు స్వేచ్ఛగా పోవడానికి అసలు వీలుండదు. కానీ వాహనాలు ఎట్టి పరిస్థితి లోనూ ఆగవు. జనాల్ని రాసుకుంటూ, పూసుకుంటూ పోతుంటాయి. అందుకే అలాంటి సంతలలో ఏవైనా కొనుక్కోవడానికి వెళ్లాలంటే, భయం భయంగా ఉంటుంటుంది. అలా వాహనాల వల్ల, ప్రమాదాలు జరిగిన సంఘటనలు కూడా వున్నాయి. పోనీ ఈ కూరగాయల దుకాణాలు రోడ్డుకు ఒకప్రక్కనే పెట్టినా బాగుండును, లేదా ఆ ఒక్క రోజుకు వాహనాల మార్గం మార్చితే సరిపోతుంది. ఉదాహరణకు విశాఖపట్టణం నగరంలో బీచ్ రోడ్డు ఉదయం కొన్నిగంటలు అటు – ఇటు వాహనాల రాకపోకలు స్తంభింప బడతాయి, ఎందుకంటే ఆ సమయం ఆ రోడ్డు వాకర్స్ (నడిచేవారి కోసం) కోసం కేటాయించబడింది. ఏ మహానుభావుడికి (అధికారికి) ఆ ఆలోచన వచ్చిందో కానీ,ఆ పద్ధతి ఇప్పటికీ విజయవంతంగా కొనసాగుతోంది. పట్టణాలలో, ఈ సంతల విషయంలో విశాఖపట్టణం బీచ్ రోడ్ ఫార్ములా ప్రవేశ పెడితే కొంత ప్రయోజనం ఉంటుందేమో! ఈ నేపథ్యంలో పాదచారుల విషయంలో నిర్లక్ష్యం తగదన్నది స్పష్టం.

అభివృద్ధి చెందిన అమెరికా (నాకు రెండుసార్లు వెళ్లే అవకాశం కలిగింది) వంటి దేశాలలో, ట్రాఫిక్ నిబంధనలు, అవి నూటికి నూరుశాతం పాటించే ఆ ప్రజల చిత్తశుద్ధి ప్రతి ఒక్కరు కొనియాడ దగినవి. పాదచారుల కోసం నిర్దేశించిన ఫుట్‌పాత్‍లు, కేవలం పాదచారులు మాత్రమే వినియోగించుకునే విధంగా ఉంటాయి. అంత మాత్రమే కాదు, పాదచారులు ఒకవైపునుండి రోడ్డు మరో వైపుకు దాటాల్సి వచ్చినప్పుడు, వారికోసం నిర్దేశించిన జీబ్రా లైన్స్ దగ్గర కాలినడకన పోయేవారు రోడ్డుదాటే ప్రయత్నం చేస్తే, ఆటోమేటిక్ గా ఇరువైపులా వాహనాలు ఆగిపోయి, నడిచేవారు రోడ్డు పూర్తిగా దాటిన తర్వాత మాత్రమే ఇరువైపులా వాహనాలు కదులుతాయి. అయితే అధిక జనాభా గల మన దేశంలో అలాంటి సదుపాయాలూ ఆశించడం అత్యాశే అవుతుందేమో!

కానీ పాలకులు తలచుకుంటే జరగనిదంటూ ఏముంటుంది? కానీ,ఇక్కడ మనకు ప్రతి మంచి పనికీ రాజకీయం ఏదో రూపంలో అడ్డుపడుతూనే ఉంటుంది.

హైదరాబాద్, సికింద్రాబాద్ వంటి నగరాలలో, ప్రజలు నివసించే కాలనీల నుండి మెయిన్ రోడ్డుకు పోవాలంటే సన్నని వీధులు మాత్రమే ఉంటాయి. ఇక్కడ ఫుట్‌పాత్‌లు వుండవు, కానీ అన్నిరకాల వాహనాల తాకిడి ఉంటుంది. అలాంటి మార్గాలలో పాదచారుల పరిస్థితి ఘోరంగా ఉంటుంది. పక్కనుండి రాసుకుపోవడం, నడకలో ఉన్నవారి వెనకకు వచ్చి అప్పుడు అతి పెద్ద శబ్దంతో హారన్ వాయించి తికమక పెట్టడం, ప్రమాదాలకు దారితీసే పరిస్థితులకు కారణమౌతాయి.

ప్రసుతం సికింద్రాబాద్‌లో ఉంటున్న నేను ప్రతి ఉదయం వాకింగ్ కోసం వెళుతున్నప్పుడు ఎదుర్కొంటున్న సమస్యలివే! ముఖ్యంగా వయసు పైబడిన వారి విషయంలో ఫుట్‌పాత్‌ల అవసరం, వినియోగం గురించి తప్పని సరిగా కొన్ని ప్రత్యేక జాగ్రత్తలు తీసుకోవలసిన అవసరం వుంది.

చిరు వ్యాపారస్తులు, తమ వ్యాపారం కోసం కాలిబాటను ఆక్రమించుకోవడం తగదు. ఈ విషయంలో మున్సిపాలిటీలు తగిన శ్రద్ధ వహించాలి. పాదచారుల విషయం అశ్రద్ధ చేయవలసిన అంశం కాదు. పాదచారులకు ప్రత్యేక సదుపాయాలు కల్పించ వలసిన అవసరం వుంది. పార్కింగ్‌కు అనుకూలంగా వున్న ప్రదేశాలలోనే, వ్యాపారస్థులకు చోటు కల్పించాలి. ఫుట్‍పాత్‌లు ఎట్టి పరిస్థితి లోనూ, పాదచారుల కోసం ఖాళీగా ఉంచవలసిందే!

ఎప్పుడైనా – ఎక్కడైనా

నువ్వు – నేను – ఎవరైనా

పాదచారులం కావచ్చు!

అందుకే మరి..

ఫుట్‍పాత్‌లు

మన కోసమే ఉండాలి..!!

(మళ్ళీ కలుద్దాం)

డా. ప్రసాద్ కె. ఎల్. వి.

వృత్తిరీత్యా వైద్యులు, ప్రవృత్తి రీత్యా రచయిత అయిన డా. కె.ఎల్.వి. ప్రసాద్ పుట్టింది, పెరిగింది తూర్పు గోదావరి జిల్లా దిండి గ్రామం. హైస్కూలు విద్య పాక్షికంగా అప్పటి తాలూకా కేంద్రం రాజోలులో. తదుపరి విద్య నాగార్జున సాగర్ (హిల్ కాలనీ), హైద్రాబాదులలో. వారి అన్నయ్య కె.కె.మీనన్ స్వయంగా నవలా/కథా రచయిత కావడం వల్ల, చిన్న వయస్సులోనే పెద్ద పెద్ద రచయితల సాహిత్యం చదువుకున్నారు. ఇంటర్మీడియట్ నుండే కవితలు రాయడం మొదలుపెట్టారు. 1975 నుండి వ్యాసాలు రాస్తున్నారు. 1983 నుండి కథలు రాస్తున్నారు. ఉద్యోగ రీత్యా హన్మకొండలో స్థిరపడ్డారు. వరంగల్ “సహృదయ సాహిత్య సాంస్కృతిక సంస్థ”కు వరుసగా 15 సంవత్సరాలు అధ్యక్షుడిగా ఉన్నారు. 2011లో కరీంనగర్ జిల్లా ఆసుపత్రిలో సివిల్ సర్జన్‌గా రిటైర్ అయ్యారు. “కె ఎల్వీ కథలు”, “అస్త్రం”, “హగ్ మీ క్విక్”, “విషాద మహనీయం” (స్మృతి గాథ) వంటి పుస్తకాలను వెలువరించారు.

1

డా కె.ఎల్.వి.ప్రసాద్
January 29, 2023 at 7:53 am
సంచిక సంపాదకవర్గానికి ఇతర సాంకేతిక నిపుణుల కు హృదయపూర్వక ధన్యవాదాలు.
—డా కె.ఎల్.వి.ప్రసాద్
సికింద్రాబాద్.

Reply
2

Sagar
January 29, 2023 at 8:09 am
మీరు అన్నట్లు పాలకులు తలచుకొంటే కానిది ఏముంది సర్? కాకుంటే వారికి చిత్తశుద్ధి అవసరం. అంతే గాక పాదచారులకు అలాంటి సదుపాయాలు లేకనే లెక్కలేనన్ని ప్రమాదాలు జరుగుతున్నాయి. మార్పు వస్తుందని ఆశిద్దాము. మీకు ధన్యవాదములు సర్.

Reply
1. 2.1
  
  డా కె.ఎల్.వి.ప్రసాద్
  January 29, 2023 at 11:37 am
  సాగర్
  నీ స్పందనకు ధన్యవాదాలు .
  
  Reply
3

Shyam Kumar Chagal
January 29, 2023 at 8:20 am
రోడ్డు మీద నడుస్తున్న పాదాచారులకి అత్యధికంగా ప్రాణాపాయం ఉంటుందని సర్వేల వల్ల తేలింది.
పట్టణాలలో మధ్య పాదాచారులకు కేటాయించిన ఫుట్పాత్లన్నవి మాయమైపోయాయి.
ఎక్కడో చదివాను పాదాచారులు ఎడమవైపున నడవకుండా రోడ్డుకి కుడివైపు నడవడం మంచిదని.
ఎందుకంటే ఎదురుగా వస్తున్న వెహికల్స్ మనకు కనపడతాయి ఎడమవైపు నడుస్తే వెనకనుంచి వచ్చే వాహనాలు మనల్ని కొట్టి పోయే వరకు మనకు తెలియదు. అభివృద్ధి చెందిన పశ్చిమ దేశాల్లో సైకిల్ నడిపే వారికి ప్రత్యేకంగా పాదాచారులకు ప్రత్యేకంగా కేటాయింపబడి ఉన్నాయి. అత్యధిక జనాభా కేంద్రీకృతమైన మన దేశంలో ప్రాణాలకు విలువ తక్కువ. కనుక అలాంటివి మన ప్రభుత్వాలు చేపట్టాలని మనకు తెలుసు. ఆరోగ్యాన్ని కాపాడుకోవడానికి సులభమైన మార్గం అందరికీ నడక అన్నది తెలిసిన విషయమే అయినప్పటికీ వాడికి తగిన సౌకర్యాలు లేకపోవడంతో పార్కులలో మైదానాలలో నడక కొనసాగించడం మనం చూస్తూనే ఉన్నాం.
ప్రభుత్వాలు ఉన్నట్టుండి మేల్కొని ఫుట్ పాతుల మీద ఉన్న ఆక్రమణలను తొలగించినప్పటికీ మరో రెండు రోజుల్లో అవి యధా ప్రకారం సిద్ధిరస్తుగా మారిపోతాయి. ఫుట్పాతుల పునరుద్ధరణ అనేది ప్రజా ఉద్యమంగా మారనంతవరకు ప్రస్తుత పరిస్థితుల్లో మార్పు రాదు. ఎందుకంటే మన పాలకులకు మనకు ప్రజాకర్షణ కలిగించే ఉచిత లాభాలు మాత్రమే అత్యంత ప్రాముఖ్యత కలిగినవి కనుక.
ప్రతి వారం మంచి విషయాన్ని మన ముందుకు తెచ్చి మన మధ్య చర్చకు నిలుపుతున్న డాక్టర్ కే ఎల్ వి ప్రసాద్ మరియు సంచిక యాజమాన్యానికి నా కృతజ్ఞతలు.

Reply
1. 3.1
  
  డా కె.ఎల్.వి.ప్రసాద్
  January 29, 2023 at 11:37 am
  మిత్రమా చాలా బాగా రాసావు
  నీ స్పందనకు ధన్యవాదాలు .
  
  Reply
4

Bhujanga rao
January 29, 2023 at 10:35 am
జ్ఞాపకాల పందిరి 147 లో పాదచారుల పని అంతే..పాదచారులకు కలిగే అసౌకర్యాలు బాగా తెలిపారు.రోడ్ మీద నడిచే పాదచారులకు కనీస సౌకర్యాలు లేవు.నడిచేటప్పుడు వ్యతిరేక దిశలో నడవాలి, ఎదురుగా వచ్చే వాహనాలు కనపడుతాయి కావున ప్రమాదాలు జరిగే అవకాశం తక్కువగా వుంటుంది. పాదచారుల నడుకకు ప్రయోజనం చేకూర్చేందుకు ఫుట్ పాతులను మెరుగుపరచాలి. ఫుట్ పాతుల ఆక్రమణలు అడ్డుకోవడానికి చొరవ ఏదైనా నిబద్ధత కలిగిన విధానం అవసరం.ఇది ఏమైనా ప్రభుత్వాల మద్దతు మరియు స్థానిక సంస్థల సంఘాల మద్దతు లేకుండా ఆక్రమణలను ఎదుర్కోవడం చాలా కష్టం.మంచి జరగాలని ఆశిద్దాం.ప్రతివారం ఒక మంచి విషయాన్నీ అందిస్తున్న మీకు ధన్యవాదములు సర్🙏

Reply
1. 4.1
  
  డా కె.ఎల్.వి.ప్రసాద్
  January 29, 2023 at 11:36 am
  భుజంగరావు గారూ
  మీకు హృదయ పూర్వక కృతజ్ఞతలు .
  
  Reply
5

డా కె.ఎల్.వి.ప్రసాద్
January 29, 2023 at 12:48 pm
పాదచారుల ఇక్కట్లను చాలాబాగా చెప్పారు సార్ . ఇవన్నీ అందరి అనుభవం లోనివే . కాని రికార్డ్ చేయడంలోనే ఉంది గొప్పతనం . ఆపని మీరు చేశారు . అభినందనలు డాక్టర్ గారూ !
మెట్టు మురళీధర్

Reply
1. 5.1
  
  డా కె.ఎల్.వి.ప్రసాద్
  January 29, 2023 at 12:49 pm
  మీ స్పందన కు ధన్యవాదాలండీ.
  
  Reply
6

డా కె.ఎల్.వి.ప్రసాద్
January 29, 2023 at 1:06 pm
Correct information and awareness for footpath walkers 🚶‍♂️🚶‍♂️🚶‍♂️🚶‍♂️
—-Mrs.Rama.sunkara
Hyderabad.

Reply
1. 6.1
  
  డా కె.ఎల్.వి.ప్రసాద్
  January 29, 2023 at 1:07 pm
  Thank you Radha.
  
  Reply
7

డా కె.ఎల్.వి.ప్రసాద్
January 29, 2023 at 2:35 pm
చాలా ప్రయోజనకరమైన సూచనలతో కూడిన వ్యాసం. రోడ్డు పక్క అనధికారిక దుకాణాలు అధికారులకు ఆదాయాలు, పాదచారలకు ప్రాణ సంకటాలు. అసలు ఫుట్ పాత్ అనే పదం పిల్లలకు తెలియని స్థితి తెస్తున్నారు భవిష్యత్తులో.
—–సరసి
హైదరాబాద్.

Reply
1. 7.1
  
  డా కె.ఎల్.వి.ప్రసాద్
  January 29, 2023 at 2:35 pm
  సరసి గారు ధన్యవాదాలండీ.
  
  Reply
8

డా కె.ఎల్.వి.ప్రసాద్
January 29, 2023 at 2:37 pm
👏👏👏బాగుంది… నిజమే.
—–కోరాడ నరసింహారావు
విశాఖపట్నం.

Reply
1. 8.1
  
  డా కె.ఎల్.వి.ప్రసాద్
  January 29, 2023 at 2:37 pm
  ధన్యొస్మీ.
  
  Reply
9

డా కె.ఎల్.వి.ప్రసాద్
January 29, 2023 at 2:40 pm
డాక్టర్ గారు మీ
జ్ఞాపకాల పందిరిలో
అనుభవాల వల్లరి
బాగుంది
—అనీల్ ప్రసాద్
హన్మకొండ

Reply
1. 9.1
  
  డా కె.ఎల్.వి.ప్రసాద్
  January 29, 2023 at 2:40 pm
  కృత జ్ఞత లు మీకు
  
  Reply
10

డా కె.ఎల్.వి.ప్రసాద్
January 29, 2023 at 3:45 pm
పాదచారుల స్థలం చిరువ్యాపారస్తులు మాదే అనే స్థాయికి వచ్చింది ఇప్పుడు.

నేను గోదావరి ఖనిలో చూశాను. మన నగరాలలో రోడ్డు డివైడర్ ఉన్నట్టగా రెండు గీరల వాహనాలను రోడ్డు మధ్యలో అడ్డంగా పెట్టి కొనుగోళ్ళు చేస్తారు. వాహనాలకు రెండు వైపుల జనాలు నడుస్తు పోతూ వారి పనులు వారు చేసికొని పని అయపోగానే తమ వాహనాన్ని తీసుకొని వెళ్ళి పోతారు.

మీలాగే నాకు చిన్ననాటి జ్ఞాపకం సైకిల్ తో ఒకటుంది. మా మేనమామగారు రాజేశ్వరరావు అప్పడప్పుడు కొత్త సైకిల్ వేసుకొని మా బాపును(తండ్రి) కలువడానికి వస్తు ఉండేవారు. ఇద్దరు ఇంటిలోపల సంభాషణలో నిమగ్నులైనపుడు ఆ సైకిల్ తీసుకొని తుఱ్ఱున బజార్ లో పడేవాన్ని .కాని దాని మీద కూర్చుంటే పెడల్స్ కాళ్ళకు అందవు. అందుకని కాంచి తొక్కేవాడిని. బాలన్స్ ఆగక కాళ్ళకు దెబ్బలు తాకు తుండేవి.

ఆస్ట్రేలియాలో మానవులు రోడ్డు దాటడానికి మనిషి బొమ్మను సంకేతంగా వాడుతారు (2009 లో నా అనుభవం) .మనిషి బొమ్మ గ్రీన్ కలర్ కు రాగానే అందరు పరిగెత్తేవారు. రెడ్ కలర్ పడగానే ఆగిపోయేవారు. ఇప్పడు ఇది హైదరాబాదులోను కనబడుతుంది.

ఆస్ట్రేలియాలో హారన్ మ్రోగించడం సాధారణంగా ఉండదు. చాలా క్రమశిక్షణ కలిగిన దేశము. నేను ఒకసారి ఈ విషయం తెలియక మన భారతదేశ తరహాలో రోడ్డు దాటుతున్నాను. ఒకతను హారన్ అదేపనిగా మ్రోగిస్తున్నాడు. నేను యమస్పీడ్ గా ఉరికి రోడ్డు దాటాను. త్రుటిలో ప్రమాదం తప్పింది. తరువాత అడిగితే మా అమ్మాయి అక్కడి విధానం చెప్పింది.
ఇలా కొన్ని అనుభవాలు నాకు ఆ దేశపువి ఇంకా మిగిలి ఉన్నవి.

ఆచార్య తంగెడ జనార్దనరావు
హన్మకొండ.

Reply
1. 10.1
  
  డా కె.ఎల్.వి.ప్రసాద్
  January 29, 2023 at 3:48 pm
  చక్కని మీ
  అనుభవాలు జోడించి
  నా వ్యాసానికి వన్నె తెచ్చారు.
  మీకు హృదయ పూర్వక కృతజ్ఞతలు సర్ .
  
  Reply
11

డా కె.ఎల్.వి.ప్రసాద్
January 29, 2023 at 6:37 pm
అతి సాధారణంగా కనిపించే (తీసుకునే) తీవ్ర సమస్య పై స్పందించి వ్రాసిన మీ జ్ఞాపకం గొప్పది. మీరు మందులు ఇచ్చే వైద్యులు(మెడికల్ డాక్టర్) మాత్రమే కాదు, సాంఘిక సమస్యల వైద్యులు కూడ. ధన్యవాదాలు.
—జనార్ధన్.ఎమ్.సి
హనంకొండ.

Reply
1. 11.1
  
  డా కె.ఎల్.వి.ప్రసాద్
  January 29, 2023 at 6:38 pm
  మీ స్పందన కు ధన్యవాదాలండీ.
  
  Reply
12

డాక్టర్ కె.ఎల్.వి.ప్రసాద్
January 29, 2023 at 6:45 pm
బాగుంది గురుజీ
మరచిపోయి మరుగున పడుతున్న నడక గురించి
భాగ్యనగరం దారుల గురించి….
వీధిలో జరిగే సంత గురించి…..
మధ్యతరగతి వారి సమస్యల గురించి……
చాలా చక్కటి వివరణ అందించారు…
నిజమే వైజాగ్ లో లాగా ఒక నిర్ణీత సమయం ఉన్న…
అమెరికా లో లాగా రోడ్డు దాటే వరకు అలాగే రూల్ ఉన్న….. బాగుంటుంది………
భాగ్యనగరం రహదారులు ఎంత వెడల్పు అయిన అంతకు అంతా వాహనాల జోరు కూడ పెరుగుతునే ఉంది.
ఇదే నేటి హైదరాబాద్ పరిసర ప్రాంతాల్లో స్థితి… పరిస్థితి…..
—-స రళ శ్రీ లిఖిత
సికిందరాబాద్.

Reply
1. 12.1
  
  డాక్టర్ కె.ఎల్.వి.ప్రసాద్
  January 29, 2023 at 6:46 pm
  మీ స్పందన కు ధన్యవాదాలండీ
  
  Reply
13

డా కె.ఎల్.వి.ప్రసాద్
January 29, 2023 at 10:59 pm
నిజమే సర్.రోడ్డు మీదకి కాలినడకన వెళ్ళినప్పుడు ఈ స్థితి దాదాపు అందరికీ పరిచయమే.కానీ మరలా బయటికి రాగానే మర్చిపోతాం.కానీ ఆ ఇబ్బంది గూర్చి చాలా చక్కగా అర్ధం అయ్యేలా ఉదాహరణలతో సహా వివరించారు సర్.పాదచారుల చోటుని ఆక్రమించడం పద్ధతి కాకపోవడమే కాక ప్రమాదకరం కూడా.మంచి సామాజికి అంశాన్ని స్పృశించారు.ధన్యవాదాలు సర్💐💐💐🙏
—–నాగజ్యోతి శేఖర్
కాకినాడ.

Reply
1. 13.1
  
  డా కె.ఎల్.వి.ప్రసాద్
  January 29, 2023 at 11:00 pm
  అమ్మా
  ధన్యవాదాలు.
  
  Reply
14

డా కె.ఎల్.వి.ప్రసాద్
January 30, 2023 at 7:31 am
Thank you.goodarticlr which ever person should read .well presented.
DR.V.Ramakrishna murthy
U S A.

Reply
1. 14.1
  
  డా కె.ఎల్.వి.ప్రసాద్
  January 30, 2023 at 7:32 am
  Thank you somuch sir
  
  Reply
15

డా కె.ఎల్.వి.ప్రసాద్
January 30, 2023 at 8:26 am
జ్ఞాపకాల పందిరి 147 లో సైకిల్ గురించి తెలిపారు. మీరు చెప్పినట్లుగా, నాటి రోజుల్లో సైకిల్ ఉండడమే గొప్ప. ఇప్పుడు పడవ కార్లు సామాన్యులు సైతం కొంటున్నారు. ఫుట్ పాత్ ల దురాక్రమణ గురించి ఎవరూ పట్టించుకోరు. అన్ని రంగాల్లో రాజకీయ జోక్యమే. ఫుట్ పాత్ ఉంటే ఎన్నో ప్రమాదాలు తగ్గించే అవకాశం ఉన్నది. చక్కటి కథనం. అభినందనలు.
—G.శ్రీనివాసాచారి
కాజీపేట

Reply
1. 15.1
  
  డా కె.ఎల్.వి.ప్రసాద్
  January 30, 2023 at 9:01 am
  చారి గారూ ధన్యవాదాలు సర్ మీకు .
  
  Reply
16

డా కె.ఎల్.వి.ప్రసాద్
January 30, 2023 at 9:00 am
నిత్యం పండుగే ఐతే నిన్నెట్ల కోట్టేదే పెండ్లామా అని సామెత .ప్రజలలో పౌరబాధ్యత స్పృహ,ప్రభుత్వంలో ప్రజాసంక్షేమం స్పృహ ఉండి ఉంటే ఎవరిపని వాళ్ళు సజావుగా చేసుకుంటూ పొయ్యేవారే..
అది లేదు.
తరువాత వివిధ ప్రభుత్వ శాఖలమధ్య సభన్వయం లేదు ప్రజలకూసౌకర్యాలు కల్పించటంలో. ఎవరిపని వారు చేసుకుంటూ పోతరు కానీ సమన్వయం ఉండదు కనీసప్రయత్నమూ ఉండదు.
ఇటీపల వరంగల్లో సొకిల్చోదకులకు NIT నుంచి కాజీపేట వరకనుకుంట ప్రత్యేక మార్గం వేసిన్రు .అంతకూముందేవేసాన ఫుట్పాత్ టైల్సును తవ్వి చెట్లు పెట్టిన్రు తరువాత సైక్లిస్టులకోసం వేసిన తొవ్వ రోడ్డు వెంటవున్న దుక్ణాల ముందరినుంచి పోతున్నది ఆషాపుల మందర అడ్డంగా చిన్న చిన్న పిల్లర్లు ప్తి సైకిలిస్టుల తొవ్వను బ్లాకు చేసిన్రూ అక్కడిదాకా సైకిల్మీదవచ్చినవాడు సైకిల్ బూజాన పెట్టుకొని పోవాలె..ఇదివిచిత్రం. ఘనంగా ప్రారంభము ప్రచారమూ జరిగింది పేపర్లలో.
రోడ్ల వెంబడి నాలాలు– బాక్స్ డ్రేన్– కట్టిన్రు రోడ్క్రాసింగ్ దగ్గర వనో ఎఖ్కడనైనాఏదైనా అవాంతరం వచ్చినదగ్గర ఆపేసిన్రు.ఉదాహరణకూ కాళోజీ శిగ్రహందగ్గర అటూ ఇటూ కాలువ కట్టిన్రు కాళోజీవిగ్రహంతీసేస్తమంటే అట్లెట్ల అని అభ్యంతరం పెట్టినప్రజలకోరికమేరకు పని ఆపిన్రు ఇంతవరకు ఆ నాలా అక్కడ పూర్తి కాలేదు .సెమీ సర్కిల్ తీసుకొని డ్రేన్ ఈట్టి పైన స్లాబ్ వేయవచ్చు కదా.లేదా విగ్రహం వెనుకనుంచి అండర్గ్రౌండ్ సొరంగంవలెతవ్వి నాలా వేయవచ్చు .అసలు నిర్మాణం మొదలు పెట్టకముందే సర్వేసమయంలోనే ఇవి ఆలోచించాలికదా కట్టిన నాలా పనిచేయదు నిరర్థకం ..ఇటువంటివి క్షేత్రంలో చూచి నిర్ణయం తీసుకోవాలె.అధికారులుకార్యాలయాలనుంచి కదలరు ఫీల్డు లో పరిస్థితి చూడరు .

అసలు మీరు ప్రస్తావించిన విషయానికొస్తే దుకాణాలు పెట్టిన మొదట్లోనే అడ్డుకోవచ్చు కానీ తమ తాతాకాలిక డబ్బు ప్రయోజనంకోసం చూచీ చూడనట్లు వదిలిపెడ్తరు . కొన్నేండ్లతరువాత వ్యాపార్లు ఇన్నేండ్లనుంచి ఇక్కడ్నే వ్యాపారం చేసుకుంటున్నం ఎటుపోవాలంటరు ఇన్నేండ్లు ఎందుకైంది మొదట్లో పట్టించుకోలేదో కుమ్మక్కయినారో . ఇదంతా ఒక మాయా జాలం సర్ నా కనిపిస్తది.
మీరు వ్యక్తం చేసిన అభప్రాయాలు వందశాతం నిజం. కాని …..
.. కానిదగ్ఖరనే సమస్యంతా
—-నాగిళ్ళ రామశాస్త్రి
హన్మకొండ.

Reply
1. 16.1
  
  డా కె.ఎల్.వి.ప్రసాద్
  January 30, 2023 at 9:02 am
  మన ప్రాంతాన్ని దృష్టిలో పెట్టుకొని వెలిబుచ్చిన మీ స్పందన చాలా బాగుంది శాస్త్రి గారు.కృతజ్ఞతలుమీకు.
  
  Reply
17

sunianu6688@gmail.com
January 30, 2023 at 9:25 am
సైకిల్ గురించి వ్రాసిన చదువుతుంటే మా నాన్నగారికి మా అమ్మమ్మ వాళ్ళు కట్న కానుకలు క్రింద సైకిల్ ఇచ్చారట.65 సంవత్సారాల క్రిందటి మాట. మా అమ్మ చాలా గొప్పగ అంటువుంటరు. ఇంక ఫుట్ పాత్ ల విషయాల కొస్తే ఖచ్చితంగా మన పాదచారులకు ఉండవలసిందే. ఈ విషయం గురించి రచయత గారు చక్కగా వ్యక్తీకరించారు. రచయత KLV ప్రసాద్ గారికి ధన్యవాదాలు 🌹🌷

Reply
1. 17.1
  
  డా కె.ఎల్.వి.ప్రసాద్
  January 30, 2023 at 1:02 pm
  అమ్మా…కృతజ్ఞ తలు మీకు
  
  Reply

పాదచారుల పని అంతే..!!

Related

Related Articles

33 Comments

Sagar

Shyam Kumar Chagal

Bhujanga rao

sunianu6688@gmail.com

Leave a Reply Cancel Reply